Serik Berdimuratuly dzıýdodan Mońǵolııa chempıony atandy - Sheteldegi qazaq tildi BAQ-qa sholý
Serik Berdimuratuly dzıýdodan 2020 jylǵy el chempıony atandy - kaznews.mn
Dzıýdodan Orhon aımaǵynda ótken Mońǵolııa chempıonatynda, 100 keli salmaqta beldesken Serik Berdimuratuly osymen ekinshi márte el chempıony atandy, dep jazady Mońǵolııanyń KAZNEWS aqparattyq portaly.
«Serik Berdimuratuly jartylaı fınalda D.Tserennıamdy utsa, fınalda O.Hangal-dy sońǵy 43 sekýndta taza ádispen jeńdi. Esterińizge salsaq, Serik Berdimuratuly 2019 jyly alǵash ret dzıýdodan eresekter arasynda el chempıony atanǵan bolatyn. 2014 jyly dál osy salmaqta el birinshiliginiń kúmis júldesine, 2017 jyly qola júldesine ıe bolǵan», - dep jazady KAZNEWS.
Túrik aǵyny qubyr jelisi arqyly tabıǵı gaz tasymaldandy - TRT
GazProm Túrik aǵyny qubyr jelisi arqyly alǵash ret 1 mıllıard tekshemetr tabıǵı gazdyń tasymaldanǵanyn aıtty, dep habarlaıdy Túrkııa Radıo Teledıdar portaly.
«Reseıdiń GazProm kompanııasy jasaǵan málimdemede osy aıdyń basynda iske qosylǵan «Túrik aǵyny» arqyly alǵash ret 1 mıllıard tekshemetr tabıǵı gazdyń 54 paıyzy Túrkııaǵa, 46 paıyzy Bolgarııa-Túrkııa shekarasyna jiberilgen. Orys gazyn Túrkııa jáne Túrkııa arqyly Eýropaǵa jibergen Túrik aǵynynyń ashylý rásimi 8 qańtarda Stambýlda ótip, prezıdent Rejep Taıyp Erdoǵan jáne Reseı prezıdenti Vladımır Pýtın qatysqan bolatyn», - dep jazady TRT.
Shyńjan ólkesi shetelden medıtsınalyq maskalar satyp aldy – Tıanshannet
Shyńjan ólkesiniń ortalǵy Úrimji qalasyna 29 qańtarda shetelden ımporttalǵan epıdemııaǵa qarsy qoldanylatyn taýarlar jetkizildi, dep jazady «Tıanshannet» aqparattyq portaly.
Aqparat kóziniń dereginshe, Shyńjań-Uıǵyr Avtonomııalyq ólkesiniń Saýda departamenti Qytaıda taraǵan koronavırýsqa baılanysty eldegi medıtsınalyq maskalarǵa qaýyrt qajettilik týyndaǵan soń, shetelden medıtsınalyq maskalardy ımporttaýdy uıymdastyrǵan. Kelisim aıasynda Qazaqstan men Ózbekstannan 1,5 mıllıonnan astam medıtsınalyq betperde men 300 qorǵanys kıimi satyp alynǵan. Sondaı-aq, qazirgi kúni Qytaı eli koronavırýsqa baılanysty búkil álemnen medıtsınalyq qajetti taýarlardy jetkizýdi qolǵa alǵan.
«Shyńjańdaǵy koronavırýstyń taralýynan saqtanyp, medıtsınalyq betperde tapshylyǵyn boldyrmas úshin kásiporyndar sońǵy kúnderdiń ózinde, naryqqa qosymsha 2 mıllıonnan astam medıtsınalyq maskalar shyǵarǵan. Al Qytaıdyń Ónerkásip mınıstrliginiń málimetinshe, qytaı álemdegi medıtsınalyq maskalar óndirismen aınalysatyn jáne ony shetelge eksporttaıtyn eń iri el bolǵan. Onyń jyldyq óndiris kórsetkishi álemdik naryqtyń 50 paıyzyn ustaıdy. Eldegi óndiris oryndary kúnine 20 mıllıonnan astam medıtsınalyq maskalar shyǵarýǵa qaýqarly», - dep jazady «Tıanshannet» aqparattyq portaly.
Sońǵy málimetter boıynsha, Shyńjanda 18 adam koronavırýsty juqtyrǵan. Munyń ishinde 5 adamnyń syrqaty aýyr, ólgen adam joq. Al, qazirge deıin aýrýhanadan naýqasy aıyǵyp shyqqan adam joq. Sonymen birge naýqastarmen jaqyn qarym-qatynasta bolǵan 902 adam medıtsınalyq baqylaýǵa alynǵan.
Mońǵolııa Qytaıǵa qaıtarymsyz kómek kórsetedi - kaznews.mn
Atalǵan BAQ-tyń jazýynsha, Bul týraly Qorǵanys mınıstri N.Enhbold Úkimetti ókili retinde Mońǵolııa Parlamentine koronavırýstyń jańa túrinen saqtaný sharalary boıynsha elde atqarylyp jatqan jumystardy tanystyrý barysynda aıtqan.
«QHR-yna koronavırýs ınfektsııasynyń taralýyna baılanysty qaıtarymsyz kómek kórsetiletin boldy. Ony dıplomatııalyq jolmen QHR tarapyna jetkizemiz. Qıyn-qystaý kezeńde kórshimizge qoldan kelgenshe kómek kórsetken durys dep sanadyq», - deıdi mınıstr N.Enhbold.
Atalǵan aqparat kóziniń dereginshe, Qytaıdaǵy koronavırýstyń jańa túri órshýine baılanysty, 26 qańtar kúni Mońǵolııa Úkimeti QHR-men aradaǵy kólikpen qatynaıtyn barlyq shekara beketterin belgisiz ýaqytpen jabý týraly sheshim qabyldaǵan.
Qazaqstan JAC avtokólikterin Ózbekstanǵa eksporttaıdy - «ÓzA» aqparattyq agenttigi
Qostanaıdaǵy «SaryarqaAvtoProm» JShS zaýytynda jasalǵan Qytaıdyń JAC S3 jáne JAC S5 jol talǵamaıtyn avtokólikteri aldaǵy ýaqytta Ózbekstanǵa eksporttalady, dep habarlaıdy Ózbekstannyń «ÓzA» memlekettik aqparattyq agenttigi.
«KazakhExport-tyń» habarlaýynsha, Qazaqstan tarapy 766 dana, jalpy quny 11,8 mıllıon dollardy quraıtyn JAC kólikterin satý jóninde kompanııanyń eksporttyq-saqtandyrý tóraǵasy Rýslan Isakov pen «Ýzavtosanoat» AQ tóraǵasy Shavkat Ýmýrzakov kelisimge qol qoıǵan. Kelisimde avtokólik eksportynan bólek «SaryarqaAvtoProm» JShS men «UzAuto Motors» arasynda avtomobıl jıyntyqtaryn jetkizý týraly da kelisim jasalǵan. Qazirde «SaryArqaAvtoProm» JShS zaýytynda JAC markaly avtokólikterinen basqa SsangYong, Peugeot, Toyota, Hyundai markaly avtokólikter shyǵady», - dep jazady «ÓzA» memlekettik aqparattyq agenttigi.
Tramp pen Obama Braıant otbasyna kóńil aıtty - TRT
Amerıkalyq ataqty basketbol oıynshysy Kobı Braıant Kalıfornııada tikushaq apatynan qaza tapty. Osyǵan baılanysty AQSh basshylary Braıant otbasyna kóńil aıtty, dep habarlaıdy Túrkııa Radıo Teledıdar portaly.
«Apatta 9 adam kóz jumǵan, olardyń arasynda ataqty basketbolshy men onyń 13 jasar qyzy bar. AQSh prezıdenti Donald Tramp aqparat jelisinen jasaǵan málimdemesinde Kobı Braıanttyń qaza tapqanyn aıtyp: «Sýyt habar boldy» dep jazdy. Al AQSh-tyń burynǵy prezıdenti Barak Obama aqparat jelisinen jasaǵan málimdemesinde: «Kobı dop maıdanynda ańyzǵa aınaldy. Gıanadan aıyrylý bir otbasy retinde júregimizdi órtedi. Mıshel ekeýmiz Vanessa jáne búkil Braıant otbasyna osyndaı teńdesi joq qaıǵyly kúninde súıispenshiligimiz ben duǵalarymyzdy joldaımyz» dedi», - dep jazady TRT.
Shavkat Mırzııaev Tuńǵysh Prezıdentti eske alyp qurmet kórsetti - «ÓzA» aqparattyq agenttigi
30-shi qańtar kúni Ózbekstan Respýblıkasynyń Tuńǵysh Prezıdentiniń týǵan kúnine oraı Ózbekstan Respýblıkasy Prezıdenti Shavkat Mırzııaev, Islam Karımovtyń eskertkishine gúl shoqtaryn qoıdy, dep habarlaıdy Ózbekstannyń «ÓzA» memlekettik aqparattyq agenttigi.
«Memleket basshysynyń sheshimimen Tuńǵysh Prezıdenttiń dúnıege kelgen kúnin, ıaǵnı 30 qańtardy atap ótý jaqsy dástúrge aınaldy. Shavkat Mırzııaev «Bul kúndi laıyqty ótkizý bizdiń tarıhymyzǵa, táýelsizdigimizge bolǵan qurmetimiz ben ult retinde mádenıetimizdi kórsetedi» degen bolatyn. Tuńǵysh Prezıdentti eske alý sharasynda quran oqylyp, onyń el úshin atqarǵan iri isteri men asyl adamı qasıetteri týraly aıtyldy», - dep jazady «ÓzA» memlekettik aqparattyq agenttigi.