Sergeı Popkov «Oqjetpes» komandasynyń bas bapkeri qyzmetinen ketti

ASTANA. QazAqparat - Reseılik maman Sergeı Popkov «Oqjetpes» komandasynyń bas bapkeri qyzmetinen ketti, dep habarlaıdy QazAqparat tilshisi.

Sergeı Popkov kóshetaýlyq komandaǵa 2021 jyldan bastap jetekshilik jasady. Byltyr birinshi lıgada kósh bastap, Premer-lıga joldamasyna ıe boldy. Dál osyndaı kórsetkishke 2018 jyly da qol jetkizdi.

«Oqjetpes» komandasy bas bapkeri mindetin atqarý qazaqstandyq maman Andreı Ferapontovke júkteldi.

Qazir el birinshiliginde kókshetaýlyq klýb 17 oıynnan keıin 14 upaımen 11-orynda keledi.

Komanda búgin óz alańynda Taldyqorǵannyń «Jetisý» klýbyn qabyldaıdy.

Atalǵan týr 12 jáne 13 tamyz kúnderi ótedi. Senbide 2 oıyn bolsa, jeksenbige 4 kezdesý belgilengen.

Bul týrdyń 10 mamyrynda aldyn ala ótkizilgen oıynynda «Maqtaral» (Túrkistan oblysy) elordalyq «Astanaǵa» 0:1 esebimen jol bergen edi.