Sergeı Petrovıch Álem Kýbogynyń S tobynda chempıon atandy

<p>ASTANA. KAZINFORM &ndash; Ulttyq qurama sportshysy Sergeı Petrovıch (89 kg) Taılandtyń Phýket qalasynda ótip jatqan lıtsenzııalyq Álem Kýbogynyń S tobynda top jardy.</p>

QR Sportty damytý dırektsııasy málim etkendeı, Sergeı qazir Olımpıada lıtsenzııasynan úmitti jalǵyz qazaqstandyq ziltemirshi. Búgin onyń julqa kóterýdegi kórsetkishi - 167 kg. Bul osy toptaǵy eń jaqsy nátıje.

Al serpe kóterýde 196 kg baǵyndyryp, qossaıysta 363 kg nátıje kórsetti. Ekinshi orynǵa kýbalyq Olfıdes Saes (160 +200 kg), 3-orynǵa qyrǵyzstandyq Emıl Moldodosov (160+187) jaıǵasty.

Bul salmaqtaǵy Olımpıada joldamasynyń ıegerleri erteń A jáne V tobynyń saıysy aıaqtalǵan soń belgili bolady.

Taılandtaǵy Álem Kýbogynda Ulttyq qurama sapynan taǵy Aısamal Sansyzbaeva (+87 kg) men Sultan Meıram (109 kg) shyǵady.

Aıta keteıik, atalǵan synda áıelder arasynda 49 keli salmaqta Aınur Ábdihalyqova, 59 keli salmaqta Darıa Balabaıýk, +87 kelide Aısamal Sansyzbaeva el namysyn qorǵap jatsa, erler arasynda 55 kelide Ernaz Alpysov, 89 kelide Sergeı Petrovıch jáne 109 keli salmaqta Meıram Sultan synǵa túsýde.