Sergeı Baron Qaraǵandydaǵy vaktsına zaýytynyń qansha turatynyn aıtty
«Bizdiń zaýyttyń jalpy quny – 100 mln dollar. Sonyń jartysyn vaktsına óndiretin tseh quraıdy. Munda barlyq talaptar óte qatań saqtalady. Jýý men shaıýǵa qajet sýdyń bári dıstıldengen. Ǵımarattyń ishi, qutylar, qondyrǵylardyń bári dıstıldengen sýmen avtomattandyrylǵan júıe arqyly jýylyp otyrady. Aýanyń tazalyǵy «A» klasty bolýy kerek. ıAǵnı, aýa sapasy ota bólmesindegi aýadan 100 ese taza bolýy kerek degen sóz», - dedi seriktestik dırektory onlaın baspasóz máslıhatynda.
Sondaı-aq, maman reseılik sýbstantsııa negizinde jasalatyn qaraǵandylyq vaktsınany Gamaleıa atyndaǵy ortalyq mamandary qalaı tekseretinin baıandap berdi.
«Tseh 50 mln dollar turady dedik qoı. Inspektsııalyq mashına da sonyń ishine kiredi. Bul mashına jaramsyz nemese qate quıylǵan qutylardy iriktep otyrady. «Brak» dep tanylǵandar birden zalasyzdandyrylady. Biz shyǵaratyn vaktsınanyń Reseıdegi «Spýtnık V» vaktsınasynan aıyrmashylyǵy joq. Óıtkeni ekeýi de bir sýbstantsııadan jasalady, dál sondaı tehnologııamen óndiriledi. Biz ózimiz vaktsınany 8 kórsetkish boıynsha biz qadaǵalaımyz. Al Gamaleıa ınstıtýty 15 kórsetkish boıynsha tekseredi. Ár serııanyń úlgisin ushaqpen jiberemiz. Olar 20 kún ishinde tekserip, qorytyndysyn jiberedi. Gamaleıa ınstıtýtynyń qorytyndysyn alǵannan keıin Densaýlyq saqtaý mınıstrliginiń sertıfıkatyn alyp, daıyn dozalardy biryńǵaı dıstrıbıýterge jóneltemiz», - dedi zaýyt dırektory.
Atalǵan sharada Sergeı Baron Qarǵandydaǵy zaýyttyń kún saıyn neshe doza vaktsına shyǵaryp jatqanyn aıtqan edi.