«Sergek» kamerasy bet-álpetti tanı ma
Qaırat Ahmetov kameralarda bet-álpetti taný qyzmeti áli júzege asyrylmaǵanyn aıtty.
«Bul barlyq smartfonda bar tehnologııa. Bul qarapaıym fýnktsııa bolǵandyqtan, jańashyldyqqa jatpaıdy. Bul jerde másele jeke basqa qatysty jaıtqa kelip tireledi. Sondyqtan bul fýnktsııa «Sergek» jobasynda joq. Ol tek qoǵamdyq talqylaýlar men zańnyń aıasynda ǵana sheshiledi»,-dep jaýap berdi Qaırat Ahmetov «Digital Almaty 2021- Jahandyq ekonomıkanyń tsıfrlyq bolashaǵy» atty halyqaralyq forýmynda.
Sonymen qatar, ol kameralardyń kómegimen qazir qylmystar men qoǵamdyq tártipti buzý derekteri ashylyp jatqanyn da atap ótti.
«Sergek» jol apttarynyń azaıýyna da septigin tıgizdi. Bul polıtsııa, ákimdik pen prokýratýranyń birlesken jumysy. «Sergek» kameralary jolda ǵana emes, sonymen qatar qoǵamdyq oryndarda da ornatylǵan. Qazirdiń ózinde Nur-Sultan, Almaty, Óskemen, Atyraý qalalaryna jumys istep tur. Aldaǵy ýaqytta elimizdiń ózge de aımaqtaryna qoıylady»,- dedi Qaırat Ahmetov.
Spıkerdiń aıtýynsha, jobaǵa basqa memleketterdiń de qyzyǵýshylyq tanytyp otyr.