«Sergek» kameralary arqyly bıyl astanalyqtarǵa 3,2 mlrd teńge aıyppul salynǵan

NUR-SULTAN. QazAqparat – Jyl basynan beri Nur-Sultan qalasynyń saqshylary jol erejesin buzýdyń jarty mıllıonnan astam faktisin tirkedi. Bul týraly Nur-Sultan qalasyndaǵy Ákimshilik polıtsııa basqarmasy ákimshilik tájirıbe bóliminiń bastyǵy Baýyrjan Toqjumanov aıtty, dep habarlaıdy QazAqparat tilshisi.

«2022 jyldyń 7 aıynda Nur-Sultan qalasynyń Polıtsııa departamenti jol qozǵalysyn qadaǵalaý kezinde 4 mlrd 639 mln 481 myń 646 teńge somasyna 542 612 ákimshilik quqyq buzýshylyqty anyqtady. Sonyń aıasynda 3 mlrd 647 mln 778 myń 893 teńge óndirildi. Óndirip alý kórsetkishi – 78,6%», - dedi ol brıfıngide.

Bólim bastyǵynyń sózine qaraǵanda, atalǵan quqyq buzý faktileriniń 422 339-y «Sergek» kameralary arqyly tirkelgen. Ol faktiler negizinde 3 mlrd 207 mln 892 myń 304 teńge aıyppul salynǵan.

Buǵan deıin «Sergek» jobasyna bólingen qarajat 2023 jyldyń sońynda bitetini týraly málim etilgen bolatyn.