Sergeev sý qoımasyndaǵy ahýal qandaı

<p>ASTANA. KAZINFORM &ndash; Soltústik Qazaqstan oblysy ákimi apparatynyń jumyldyrý daıyndyǵy jáne azamattyq qorǵaý bóliminiń basshysy Serik Ǵaısınniń aıtýynsha, Sergeev sý qoımasyndaǵy sýdyń deńgeıi 363 santımetrge deıin jetken. Qazir 356 sm-ge tómendegen.</p>

«Ekinshi tolqyn sáýir aıynyń sońyna deıin jalǵasady dep kútilýde. Esil ózeniniń saǵasyndaǵy sý basqan úıler sany artpaıdy dep boljap otyrmyz», - dedi ol Ortalyq kommýnıkatsııalar qyzmetinde ótken brıfıngte.

Búginde atalǵan óńirde 14 388 adam evakýatsııalanyp, 764 adam úılerine oraldy. 13 624 adam áli evakýatsııalyq pýnktterdi panalap otyr.

«Qazirgi ýaqytta zardap shekken 428 adam eki jańa jataqhanaǵa jaıǵasty. Qazirgi tańda 2 059 otbasy 100 AEK mólsherinde jalpy somasy 760 mln teńge birjolǵy tólem aldy», - dedi Serik Ǵaısın.

Petropavl qalasynda jáne aýdandarda zardap shekken turǵyn úıdi jóndeý jáne baǵalaý boıynsha brıgadalar qurylǵan.