Sergeev sý qoımasy tasqyn sý sheginen ótti

<p>ASTANA. KAZINFORM &ndash; Sergeev sý qoımasynda tasqyn sýdyń ekinshi tolqyny ótti. Qazirgi ýaqytta bógetten aqqan sý 242 sm, 121 sm tómendeý bar. Bul týraly SQO ákimi apparatynyń jumyldyrý daıyndyǵy jáne azamattyq qorǵaý bóliminiń basshysy Serik Ǵaısın aıtyp berdi.</p>

Spıkerdiń aıtýynsha, ekinshi tolqyn sáýir aıynyń sońyna deıin ótedi dep boljanyp otyr. Sonymen birge, Esil ózeniniń saǵasyndaǵy sý basqan úıler sany endi kóbeımeıdi.

«Jalpy sany 14 388 adam evakýatsııalandy. Onyń ishinde 764 adam ǵana úıine qaıta oraldy. Ázirge 242 adam evakýatsııalyq qabyldaý pýnktinde. Petropavlda 224 adam eki jańa jataqhanaǵa qonystandy, olardyń barlyǵy qajetti múlikpen qamtamasyz etilgen», - dedi S.Ǵaısın Ortalyq kommýnıkatsııalar qyzmetinde.

Oblysta 2 349 otbasy 100 AEK mólsherinde 867,3 mln teńge birjolǵy tólem aldy.

«Aýdandarda jáne Petropavl qalasynda zardap shekken turǵyn úıdi baǵalaý boıynsha toptar quryldy. Ázirge 369 úıden sý ketti, 62 úıge tehnıkalyq tekserý júrgizildi, 252 úıge baǵalaý alyndy. Jumys jalǵasyp jatyr», - dedi spıker.