Serdar Berdimuhamedov Túrikmenstan prezıdenti bolyp saılandy

NUR-SULTAN. QazAqparat - 2022 jyldyń 12 naýryzynda Túrikmenstan prezıdentiniń saılaýy ótti. Bul týraly Túrikmenstannyń saılaý jáne referendým ótkizý jónindegi ortalyq komıssııasy málim etti, dep habarlaıdy QazAqparat.

Saılaý kúni saǵat 07.00-den 19.00-ge deıin saılaý quqyǵy bar azamattar daýys berdi. Tirkelgen 3 460 080 saılaýshynyń 3 362 052-si daýys berdi, bul 97,17 paıyzdy quraıdy.

Demokratııalyq erejeler boıynsha ótken saılaýda barlyǵy 9 úmitker baq synady.

Saılaý nátıjesi boıynsha:

Perhat Gývanchgýlyevıch Begendjov 2,02% jınady;

Agadjan Bekmyradov 7,22%;

Serdar Gýrbangýlyevıch Berdymýhamedov 72,97%;

Berdımammet Hanmamedovıch Kýrbanov 2,22%;

Meredov Babamýrat Tırkeshovıch 1,08%;

Hydyr Kakabaevıch Nýnnaev 11,09%;

Maksat Myradovıch Odeshov 1,15%;

Maksatmýrad Ashırgeldyevıch Ovezgeldyev 1,16%;

Kakageldy Atadjanovıch Saryev 1,09% daýys jınady.

Túrikmenstan Saılaý kodeksiniń 76-babyna sáıkes jáne Ortalyq saılaý komıssııasynyń 2022 jylǵy 14 naýryzdaǵy sheshimi negizinde 72,97% daýys jınaǵan Túrikmenstan Mınıstrler kabıneti tóraǵasynyń orynbasary Serdar Gýrbangýlyevıch Berdimuhamedov Túrikmenstan prezıdenti bolyp saılandy.