Serbııadaǵy saılaý: oppozıtsııa Výchıchke qarsy

<p>Serbııa saılaý ýchaskeleri jeksenbi kúni merziminen buryn parlament saılaýyn ótkizý úshin ashylady. Bul - keıingi onjyldyqtaǵy besinshi saılaý.</p>

Eldi basqarýǵa qatysty saıası jáne áleýmettik shıelenis týyndap jatqan sátte oppozıtsııa prezıdent-popýlıst Aleksandr Výchıchtiń Serbııa prgressıvti partııasy (SPP) basqaratyn basqarýshy koalıtsııaǵa qarsy shyǵady. Kazinform bul týraly Euronews-ke silteme jasap habarlaıdy.

Áýelde saılaý 2026 jylǵy 30 sáýirge josparlanǵan bolatyn, biraq Výchıch saıası jaǵdaıǵa baılanysty daýys berýdi qazir ótedi dep bekitti. Ol 2022 jylǵy prezıdent saılaýynda 60% daýys jınap jeńiske jetken.

Segiz túrli oppozıtsııalyq jáne eýropashyl partııa men qozǵalys alǵash ret «Serbııa zorlyqqa qarsy» (SZQ) koalıtsııasyna birikti.

Sondaı-aq jeksenbi kúni jergilikti bılik organdaryna da saılaý ótedi, oppozıtsııa astanalyq merııany ıelenýdi josparlap otyr.

Osy aptada júrgizilgen keıingi saýalnamalar Serbııa progressıvti partııasy jáne áleýmetshiler qurǵan basqarýshy koalıtsııa daýystardyń 60%-in, al Dragan Djılastyń Erkindik jáne ádildik partııasy basqaratyn oppozıtsııalyq blok 26%-in ıelenedi dep boljady. Degenmen saýalnamaǵa qatysqandardyń 43%-i el bıligin ózgertetin ýaqyt keldi dep esepteıdi.