Serbııadaǵy halyqaralyq týrnırde 8 qazaqstandyq boksshy altyn úshin talasady

<p>ASTANA. KAZINFORM &mdash; Serbııa astanasy Belgradta bokstan ótip jatqan dástúrli Branko Peshıch memorıalynda fınalǵa shyqqan sportshylar anyqtaldy.</p>

Qazaqstan boks federatsııasynyń baspasóz qyzmetinen málim etkenindeı, el namysyn qorǵaǵan 12 sportshynyń 8-i fınalǵa shyqty.

Senbi kúni sharshy alańǵa shyqqan tórt boksshynyń bári de jeńiske jetti. 71 kelide Sabyrjan Aqqalyqov montenegrolyq Stefan Savkovıchti jeńse, Dıas Moljigitov (75 kg) reseılik Djambýlat Bıjamovty tize búktirdi. 80 keldi Erasyl Jaqpekov serbııalyq Zlatko Týrkovıchten aılasyn asyrsa, Danııar Rahymberdınov (92 kg) taǵy bir sharshy alań ıesi Mıroslav Savıchti qapy qaldyrdy.

Osylaısha, Belgrade winner týrnıriniń fınalynda myna boksshylarymyz judyryqtasady:

48 keli: Ernur Qaırat

51 keli: Sanjar Táshkenbaı

54 keli: Dáýlet Moldashev

71 keli: Sabyrjan Aqqalyqov

75 keli: Dıas Moljigitov

80 keli: Erasyl Jaqpekov

92 keli: Danııar Rahymberdınov

92+keli: Oljas Boqaev

Eske sala keteıik, budan buryn Branko Peshıch týrnırinde eki boksshymyzdyń fınalǵa shyqqanyn jazǵan bolatynbyz.