Serbııada jappaı atystan keıin halyqtan qarý-jaraq alynyp jatyr

ASTANA. QazAqparat - Mamyr aıynyń basynda Serbııada 17 adamnyń ómirin qıǵan eki jappaı atystan keıin el úkimeti áskerı arsenalyn uzaq jyldar boıy zańsyz saqtaǵan azamattardan qarý-jaraq tárkileý naýqanyn jalǵastyryp jatyr. 13 500 qarý-jaraq alyndy. Bul týraly QazAqparat Euronews aqparat agenttigine silteme jasap habarlaıdy.

Serbııa prezıdenti Aleksandr Výchıch alynǵan qarý kórmesin aralady.

Ekspozıtsııada áskerı qarý-jaraqtyń 13 500 túri usynylǵan. Sonyń arasynda myltyq, pýlemet, raketa qondyrǵylary men tankke qarsy granatalar bar.

Serbııadaǵy «qarý amnıstııasy» 8 maýsymǵa deıin jalǵasady.

Osy ýaqytqa deıin memleketke qarýyn óz erkimen tapsyrǵan azamattardyń bárine qylmystyq qýdalaý, jazalaý qaýpi tónbeıdi.

Shveıtsarııanyń Small Arms Survey ǵylymı jobasynyń baǵalaýynsha, 2018 jyly Serbııa beıbit turǵyndardyń jan basyna shaqqandaǵy atys qarýynyń sany boıynsha álemde Iemen men AQSh-tan keıin úshinshi orynda boldy.