Serbııada vokzaldaǵy tótenshe jaǵdaı men 14 adamnyń qazasynan keıin narazylyq sharalary bastaldy
El astanasy Belgradta sherýge shyqqan serbter kinálilerdi tabýdy talap etti. Adamdar Novı-Sad qalasyndaǵy qaıǵyly oqıǵaǵa qatysy bar adamdardy qamaýǵa alýdy talap etip, úkimettik ǵımarattardyń kireberisine qyzyl qol izderin qaldyrdy.
Eske sala ketsek, Serbııa halqy eń kóp shoǵyrlanǵan Novı-Sad qalasyndaǵy temirjol vokzalynda beton shatyr qulap, 14 adam qaza tapqanyn jazǵan bolatynbyz. Osyǵan baılanysty Serbııa bıligi senbini aza tutý kúni dep jarııalady.
Sherýshiler vokzal ǵımaratynyń jýyrda ǵana jóndeýden ótkenin jáne qulaǵan shatyrdyń jóndelmegenin eske saldy. Olardyń aıtýynsha, jumys uqypsyz júrgizilgen.
Polıtsııa Belgrad ortalyǵyndaǵy Qurylys jáne ınfraqurylym mınıstrliginiń janynda qorshaý ornatty. Onda jınalǵan adamdar joǵary laýazymdy sheneýnikterdi, onyń ishinde premer-mınıstr Mılosh Výchevıchti dereý otstavkaǵa ketýge shaqyrdy.
Juma kúni Novı-Sad vokzalynyń aldyńǵy jaǵyndaǵy beton shatyr qulap, onyń astyndaǵy oryndyqtarda otyrǵan adamdardy basyp qaldy. Qaza tapqandar arasynda 6 jasar qyz bala bar. 18 ben 24 jas aralyǵyndaǵy úsh zardap shegýshiniń aıaq-qolyn kesip alyp tastaýǵa týra keldi.
Serbııa úkimeti jan-jaqty tergeý júrgizip, kinálilerdi jazalaýǵa ýáde berdi, al prokýrorlar qazirdiń ózinde jıyrmadan astam adamnan jaýap alǵanyn málimdedi.
Memleket basshysy Novı-Sad qalasyndaǵy temirjol vokzalynda bolǵan qaıǵyly oqıǵa saldarynan kóptegen adamnyń qaza tabýyna baılanysty Serbııa Prezıdenti Aleksandr Výchıchke kóńil aıtty.