Serbııada Novı-Sadtaǵy qaıǵyly oqıǵaǵa baılanysty narazylyqqa shyqqandar joldy japty

<p>ASTANA. KAZINFORM &ndash; Serbııanyń astanasy Belgradta Novı-Sadtaǵy qaıǵyly oqıǵaǵa baılanysty narazylyqqa shyqqandar joldy japty, dep habarlaıdy Kazinform agenttigi TASS-qa silteme jasap.</p>

Qala ortalyǵyndaǵy Slavııa alańynda 5 myńnan astam adam jınalyp, joldy jaýyp, kólik qozǵalysyn toqtatty. Birlesip narazylyqqa shyqqan stýdentter men fermerler Novı-Sad vokzalyndaǵy qıraýdan 15 adamnyń kóz jumýyna bılikti aıyptap otyr.

Sherýge qatysýshylar astana alańdarynyń birinde jergilikti ýaqyt boıynsha saǵat 16:00-de jınaldy. Narazylyq bildirýshiler jaıaý júrginshiler aımaqtary men kólik joldaryn jaýyp tastaǵan. Avtobýstar, tramvaılar, trolleıbýstar jáne basqa da kólikter qozǵalysyn toqtatýǵa májbúr boldy. Jınalǵan adamdardyń sany ýaqyt ótken saıyn artyp keledi.

Buǵan deıin áleýmettik jelide stýdentter arasynda «narazylyqqa qatysýshylarǵa arnalǵan nusqaýlyq» keń taraǵan. Onda qatysýshylardyń ózimen birge ysqyryq, transparanttar, megafon, aýyz ben muryndy jabatyn mata, jańbyrdan qorǵaıtyn plaş, qolshatyr jáne fotoapparat alý qajettiligi aıtylǵan.

Sonymen qatar narazylyq bildirýshilerge «óz stýdenttik tobynyń janynda bolý», «arandatýshylyqqa jaýap bermeý», «polıtsııanyń nemese kúdikti adamdardyń orynsyz áreketteri kezinde aktsııadan shyǵý» usynylady.

Osyǵan deıin Frantsııadaǵy eń qýatty ıadrolyq reaktor iske qosylǵany týraly habarladyq.