Serbııada «Qazaq kınosy aptalyǵy» ótip jatyr

NUR-SULTAN. QazAqparat - Serbııada alǵash ret «Qazaq kınosynyń aptalyǵy» ótip jatyr, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Atalǵan shara Qazaqstan táýelsizdiginiń 30-jyldyǵyna jáne eki el arasyndaǵy dıplomatııalyq qatynastardyń 25-jyldyǵyna oraılastyryldy.

Saltanatty rásimdi Qazaqstan Elshisi Ǵabıt Syzdyqbekov pen Qazaqstanmen parlamentaralyq dostyq tobynyń tóraǵasy Olıvera Nedelkovıch ashty.

Halyqtyq Skýpşına depýtattary, Úkimet, dıplomatııalyq korpýs ókilderi jáne Qazaqstannyń Serbııadaǵy dostary klýbynyń músheleri qurmetti qonaqtar retinde qatysty.

Óz sózinde otandyq dıplomat elderimiz arasyndaǵy dostyq baılanystardy nyǵaıtýǵa qyzmet etetin ári qazaq halqynyń tereń tarıhy jáne baı mádenıetimen jaqynyraq tanysýǵa múmkindik beretin osyndaı is-sharalardyń mańyzdylyǵyn atap ótti.

Elshilik Qazaqstannyń Mádenıet jáne sport mınıstrligimen jáne Sh. Aımanov «Qazaqfılm» kınostýdııasymen birlesip Belgrad turǵyndary men qonaqtary úshin mazmundy baǵdarlama daıyndaǵan.

Bir apta boıy serb kórermenderine «Jaýjúrek myń bala», «Anaǵa aparar jol», «Amanat», «Qunanbaı», «Shyraqshy», «Almas qylysh», «Qazaq handyǵy. Altyn taq», «Balýan Sholaq», «Jaqsylyq», «Muzbalaq» jáne «Kúltegin» sekildi kórkem jáne anımatsııalyq fılmder usynylady.