Senimdi odaqtas ári seriktes – RF elshiligi Qazaqstandy Respýblıka kúnimen quttyqtady

<p>Qazaqstandaǵy Reseı elshiligi Respýblıka kúni merekesine oraı Qazaqstan halqyna quttyqtaý jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

— Qurmetti qazaqstandyq dostar, Respýblıka kúnine oraı shyn júrekten quttyqtaýymyzdy qabyl alyńyzdar! Reseı úshin Qazaqstan — kórshi memleket jáne saýda-ekonomıkalyq qarym-qatynasqa qatysýshy el ǵana emes. Qazaqstan — senimdi odaqtas jáne ıntegratsııalyq seriktes, RF onyń egemendigin, táýelsizdigin jáne aýmaqtyq tutastyǵyn qoldaıdy jáne qajet bolǵan jaǵdaıda qorǵaýǵa kómektesýge daıyn, — delingen habarlamada.

Elshilik Qazaqstannyń syrtqy saıasat salasyndaǵy ekonomıkanyń damýy men tabysy eki eldiń strategııalyq áriptestiginiń múddesine saı keletinin atap ótti.

— Qazaqstannyń senimdi damýy, ekonomıkalyq kórsetkishteriniń ósýi, syrtqy saıası arenadaǵy jáne basqa da kóptegen salalardaǵy tabysy qýantady. Bul eki eldiń strategııalyq áriptestiginiń ortaq múddesine saı keledi jáne atap aıtqanda óńir men Eýrazııa keńistiginiń turaqtylyǵyna asa mańyzdy úles qosady. Biz Qazaqstan halqynyń óz Otanyn qanshalyqty baǵalaıtynyn, Prezıdent Qasym-Jomart Toqaevtyń baǵyt-baǵdary boıynsha jańa Qazaqstandy qurýǵa qandaı tabandylyqpen kiriskenin bilemiz. Baýyrlas Qazaqstan halqyna órkendeý, amandyq jáne jańa jetistikter tileımiz, — delingen quttyqtaýda.