Senegaldaǵy saılaý: Bassırý Dıomaıe Faı Afrıkanyń eń jas prezıdenti bolady

<p>DAKAR. KAZINFORM &ndash; Senegaldaǵy saılaýda oppozıtsııalyq kandıdat 53 paıyzdan astam daýys jınady. Eldiń qazirgi prezıdenti Makı Sal men basqarýshy koalıtsııanyń ókili Amadý Ba Dıomaıe Faıdy prezıdenttik saılaýdyń birinshi týryndaǵy jeńisimen quttyqtady. Bul týraly <a href="https://www.bbc.com/news/world-africa-68656967" target="_blank" rel="noopener">VVS</a> jazdy.</p>

Senegalda bir kún buryn ótken prezıdenttik saılaýda oppozıtsııa kandıdaty Bassırý Dıomaıe Faı 53,7 paıyz daýys jınady. Bul týraly Senegal ulttyq avtonomııalyq saılaý komıssııasy málimdegen.

Dıomaıe Faıdyń basty básekelesi, basqarýshy koalıtsııanyń ókili Amadý Ba 36,2 paıyz daýys jınady.

Bul saılaý ýchaskeleriniń 90 paıyzynda bıýlletenderdi sanaýdan keıin alynǵan aldyn ala derekter ekeni atap ótildi. Saılaýdyń resmı qorytyndysy áli jarııalanǵan joq.

Bassırý Dıomaıe Faı 44 jasta. Eger ol Senegal prezıdenti bolyp saılansa, ol Afrıka tarıhyndaǵy eń jas prezıdent bolady.