Senegaldaǵy prezıdent saılaýynda eń jas kandıdat jeńiske jetti

<p>DAKAR. KAZINFORM &ndash; Senegaldaǵy prezıdent saılaýynda oppozıtsııalyq koalıtsııanyń kandıdaty Bassırý Dıomaıe Faı jeńiske jetti. Oǵan memlekettegi Ulttyq daýys berý komıssııasynyń sársenbide jarııalaǵan nátıjeleri dálel. Bul týraly&nbsp;<a href="https://russian.news.cn/20240329/5c49f0b399034b869841f838bbbcf0ec/c.html" target="_blank" rel="noopener">Sınhýa</a> agenttigi jazdy.</p>

Bassırý Dıomaıe Faı 2 434 751 daýys (54,28 paıyz) jınaǵan. Bul týraly Dakarda ótken baspasóz máslıhatynda komıssııa tóraǵasy Amadı Dıýf málimdedi.

Jeńimpazdyń eń jaqyn qarsylasy, basqarýshy koalıtsııa atynan saılaýǵa qatysqan Amadý Ba 35,79 paıyz daýys jınaǵan.

44 jastaǵy B.D.Faı Dakardan shyǵysqa qaraı 115 shaqyrym jerde ornalasqan Ndıaganıao qalasynda dúnıege kelgen. Dakardaǵy Cheikh Anta Diop ýnıversıtetinde zań magıstri dárejesin alǵan. 2004 jyly saıasatker Ulttyq ákimshilik mektebine oqýǵa túsip, odan keıin salyq ınspektory boldy. 

Faı 2023 jyly shildede prezıdent jarlyǵymen taratylǵan «Eńbek, etıka jáne baýyrlastyq úshin Senegaldyń afrıkalyq patrıottary» (PASTEF) Senegal partııasynyń Bas hatshysy qyzmetin atqardy.

B.D.Faı 2023 jyldyń sáýirinde túrmege qamalǵan jáne 14 naýryzda qyzmetten ketken prezıdent Makkı Sal raqymshylyq týraly zań shyǵarǵan kezde bosatylǵan.