Senbide Pavlodarda azyq-túlik áleýmettik baǵamen satylady

PAVLODAR. QazAqparat – Erteń 28 tamyzda Pavlodar qalasynyń túkpir-túkpirlerinde azyq-túlik áleýmettik baǵamen satylady. Bul týraly qalalyq ákimdiktiń Instagram jelisindegi paraqshasynda jarııalandy, dep habarlaıdy QazAqparat Pavlodarnews.kz-ke silteme jasap.

Óndirýshiler pavlodarlyqtardy kelesi meken jaılar boıynsha kútedi: vokzal aýdany «Otaý» dúkenine qarama-qarsy, dıspetcher shaǵyn aýdany «Kerýen» SÚ qarama-qarsy, «Alataý» SÚ aýdany, Ýsolka shaǵyn aýdany «Arbat» dúkenine qarama-qarsy, shyǵys shaǵyn aýdany «Sıbır» dúkeniniń janynda, «Kvazar» SÚ qarama-qarsy jáne Hımgorodok aýdany «Polına» bazary.
Satylymda: 10 dana jumyrtqa - 280 teńgeden, ósimdik maıy - 620 teńgeden, kartop pen sábiz - 90 teńgeden, qyryqqabat - 110 teńgeden, pııaz - 130 teńgeden.
Áleýmettik baǵa boıynsha Ak. Sátbaev, 21/1 jáne Ak. Shókın kóshesi, 38 meken jaılary boıynsha ornalasqan «Altaır» dúkeninde jáne Ak. Sátbaev kóshesi, 253 boıynsha ornalasqan «Nuraı» dúkeninde kg. 1750 teńgeden sıyr eti satylatyn bolady. Sondaı-aq, Krasnoıarskaıa kóshesi, 1 meken jaıy boıynsha ornalasqan «Mıasnaıa lavka» dúkeninde «Ahmetova» JK Kedr ÁKK et ónimderi satylady.
Qalalyq kásipkerlik jáne aýyl sharýashylyǵy bólimi uıymdastyrǵan qalanyń shaǵyn aýdandaryndaǵy saýda 28 tamyz kúni saǵat 9.00-den 13.00-ge deıin jalǵasady.