Senbide barlyq óńirde kún ystyq bolady

NUR-SULTAN. QazAqparat – 3 qyrkúıekte Qazaqstannyń basym bóliginde bultty jáne qurǵaq kún raıy kútiledi. Tek soltústik-batysta, soltústikte jáne batysta atmosferalyq fronttardyń ótýimen ótkinshi jańbyr jaýyp, kún kúrkireıdi, burshaq jaýýy múmkin. Respýblıka boıynsha keı jerlerde jel kúsheıip, batysta shańdy daýyl turady. QazAqparat bul týraly «Qazgıdromet» RMK-ǵa silteme jasap habarlaıdy.

Jambyl, Qyzylorda, Túrkistan, Aqtóbe, Almaty, Jetisý, Atyraý oblysynyń batysy men ońtústiginde, Batys Qazaqstan, Abaı, Qostanaı, Qaraǵandy, Ulytaý oblystarynyń basym bóliginde tótenshe órt qaýpi bolady. Aqmola, Qostanaı oblystarynyń basym bóliginde joǵary órt qaýpi saqtalady.

Kúndiz Aqmola, Almaty, Jambyl, Atyraý, Qyzylorda, Mańǵystaý, Ulytaý oblystarynyń basym bóliginde, Atyraý, Aqtóbe, Soltústik Qazaqstan, Qaraǵandy oblystarynyń ońtústiginde, Qostanaı oblysynyń ońtústiginde, shyǵysynda, Pavlodar oblysynyń basym bóliginde qatty ystyq bolady.

Nur-Sultan qalasynda kún raıy jaýyn-shashynsyz bolady. Ońtústik-batystan jel soǵady, kúshi túnde 5-10, kúndiz 9-14 m/s quraıdy. Aýa temperatýrasy túnde +19+21°S, kúndiz +34+36°S bolady.

Almaty qalasynda senbi jaýyn-shashynsyz ótedi. Jeldiń kúshi – 2-7 m/s. Temperatýra baǵamy túnde +17+19°S, kúndiz +31+33°S kórsetedi.

Shymkent qalasynda jaýyn-shashyn bolmaıdy. Shyǵystan jel soǵady, kúshi – 8-13 m/s. Aýa temperatýrasy túnde +17+19°S, kúndiz +34+36°S bolady.