Senbide Almaty qalasynda aýa sapasy nasharlaıdy

NUR-SULTAN. QazAqparat – 23 shildede Qazaqstannyń barlyq derlik qalasynda qolaıly meteorologııalyq jaǵdaı qalyptasady, dep habarlaıdy QazAqparat.

«Qazgıdromet» RMK málimetinshe, senbi kúni atmosferalyq aýa sapasy tek Almaty qalasynda nasharlaıdy. Ózge shaharlarda meteoahýal norma sheginde bolady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.