Senbi kúngi aýa raıy boljamy

ASTANA. QazAqparat - Qazgıdromet 17 jeltoqsan kúngi aýa raıy boljamyn jarııalady, dep habarlaıdy QazAqparat.

QR aýmaǵynyń basym bóligine áli de Monǵol antıtsıklony áser etetin bolǵandyqtan jaýyn-shashynsyz aýa raıy saqtalady.

Tek elimizdiń ońtústik-batysynda jáne ortalyǵynda atmosferalyq frontaldy bólikterdiń ótýimen azdaǵan qar jaýady.

Respýblıkanyń shyǵysynda, ońtústik-shyǵys jáne ońtústiktiń taýly aýdandarynda jeldiń kúsheıýi kútiledi. Atyraý, Mańǵystaý oblystarynda, Túrkistan, Jambyl oblystarynyń taýly aýdandarynda tuman túsedi.

Jetisý oblysynyń Alakól aýdanynda ońtústik-shyǵystan soǵatyn jeldiń kúsheıýi saqtalady, jel 23-28 m/s, keı ýaqyttarda 30 m/s jyldamdyqpen soǵady.