Senattyń jańa depýtattary kimder

ASTANA. QazAqparat - Búgin Qazaqstan Prezıdenti Nursultan Nazarbaevtyń Jarlyqtarymen Senatqa tórt jańa depýtat taǵaıyndaldy. QazAqparat  jańa depýtattardyń ómirbaıandaryn nazarlaryńyzǵa usynady.

Sáýle Aıtpaeva - qazaqtan shyqqan tuńǵysh general-áıel. Aqmola oblysynyń Jaqsy aýdanynda dúnıege kelgen. Eńbek jolyn Jaqsy aýdandyq prokýratýrasynyń keńse meńgerýshisi bolýdan bastaǵan. Joǵary bilim alǵannan keıin aýdandyq prokýratýranyń taǵylymdamashysynan respýblıkalyq vedomstvolardyń basshysy deıingi laýazymdyq satydan ótken.

Atap aıtqanda, 1977 jyly - Torǵaı oblysy Jaqsy aýdandyq prokýratýrasy keńsesiniń meńgerýshisi, 1978 jyly - Torǵaı oblysy Jaqsy aýdandyq komsomol komıtetiniń mashınısi, 1983 jyly - Tselınograd oblystyq prokýratýrasy Lenın aýdandyq prokýratýrasynyń tálimgeri, 1984 jyly - Tselınograd qalasy Lenın aýdandyq prokýratýrasynyń tergeýshisi, 1985 jyly - Aqmola oblysy prokýratýrasynyń ishki ister organdaryndaǵy tergeý men anyqtaýdy qadaǵalaý jónindegi bóliminiń prokýrory, 1988 jyly - Aqmola oblysy prokýratýrasy kadrlar jónindegi prokýrorynyń kómekshisi, 1992 jyly - Aqmola oblysy prokýratýrasynyń uıymdastyrý-taldaý bóliminiń prokýrory, 1996 jyly - Tselına kólik prokýratýrasynyń uıymdastyrý-ınspektorlyq jumys jónindegi aǵa prokýrory, 1997 jyly - Qazaqstan Respýblıkasy Bas prokýratýrasynyń janyndaǵy Quqyqtyq statıstıka jáne aqparat  ortalyǵynyń (QSjAO) alǵashqy esepke alý qujattaryn, eseptilik jáne ádisteme nysandaryn ázirleý jáne engizý bóliminiń bastyǵy, 1998 jyly - Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary - Astana qalasyndaǵy statıstıka basqarmasynyń bastyǵy, 1999 jyly - QSjAO (D) bastyǵynyń orynbasary - Qazaqstan Respýblıkasy Bas prokýratýrasynyń janyndaǵy QSjAO (D) statıstıkany qalyptastyrý basqarmasynyń bastyǵy boldy. 2001 jyly - Qazaqstan Respýblıkasy Bas prokýratýrasynyń janyndaǵy QSjAO (D) bastyǵynyń orynbasary, 2003 jyly - Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń orynbasary, 2005 jyldyń jeltoqsanynan Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti tóraǵasynyń birinshi orynbasary qyzmetterin atqardy.

2012 jyly Memleket basshysynyń Ókimimen Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń tóraıymy bolyp taǵaıyndaldy.

«Qazaqstan Respýblıkasy prokýratýrasynyń qurmetti qyzmetkeri» (2001) ataǵy bar, «Eren eńbegi úshin» (2005), «Astananyń 10 jyldyǵy» (2008), «Qazaqstan Respýblıkasynyń Táýelsizdigine 20 jyl» (2011), «Qazaqstan Respýblıkasynyń Prokýratýrasyna 20 jyl» (2011) medaldarymen marapattalǵan.

Vladımır Volkov - 1955 jyly týǵan. Zańger. S.M. Kırov atyndaǵy Qazaq memlekettik ýnıversıtetin bitirgen. Eńbek jolyn QazSSR Mınıstrler Keńesi janyndaǵy Dene shynyqtyrý jáne sport komıtetiniń nusqaýshysynan bastap, Búkilodaqtyq eriktiler sport qoǵamdarynda jattyqtyrýshy-oqytýshy, Qazaq memlekettik ýnıversıteti ákimshilik jáne memlekettik quqyq kafedrasynyń assıstenti, zań fakýltetiniń keshki-syrttaı oqytý bólimi dekanynyń orynbasary, QazSSR Joǵary Keńesiniń aǵa referenti, sektor meńgerýshisi, Qazaqstan Respýblıkasy Joǵary Keńesi tóraǵasy  orynbasarynyń kómekshisi, Ortalyq saılaý komıssııasynyń múshesi, Prezıdent Apparaty Uıymdastyrý-baqylaý basqarmasynyń konsýltanty, memlekettik ınspektory, Parlament Senaty Apparaty  Uıymdastyrý, Uıymdastyrý-kadr jumysy, Uıymdastyrý-taldaý jumysy, Ákimshilik bólimderiniń meńgerýshisi, Saraptama bólimi meńgerýshisiniń orynbasary, Aqparattyq-taldaý bóliminiń bas konsýltanty, meńgerýshisiniń orynbasary bolyp qyzmet istegen.

Segiz medalmen, sonyń ishinde «Eren eńbegi úshin», «MPA SNG. 20 let» medaldarymen, UQShU PA Qurmet gramotasymen, Qazaqstan Respýblıkasy Prezıdentiniń Alǵysymen marapattalǵan.

Baqytjan Jumaǵulov - Burynǵy Bilim jáne ǵylym mınıstri, tehnıka ǵylymdarynyń doktory, professor, Qazaqstannyń eńbek sińirgen qaıratkeri, Qazaqstan Memlekettik syılyǵynyń laýreaty, Halyqaralyq ınjenerlik akademııanyń akademıgi. 1953 jyly Almaty oblysynda dúnıege kelgen. Qazaq memlekettik ýnıversıtetinde, «Ádilet» joǵary quqyq mektebinde bilim alǵan.

1979-1991 jyldary - Qazaq memlekettik ýnıversıtetiniń aǵa ınjeneri, aǵa oqytýshysy, dotsenti, prorektory; 1991-2001 jyldary - Qazaqstan Respýblıkasy Injenerlik akademııasy Tóralqasynyń hatshysy, vıtse-prezıdenti, prezıdenti. 2001-2002 jyldary - Qazaqstan Respýblıkasy Bilim jáne ǵylym birinshi vıtse-mınıstri. 2002-2005 jyldary - Qazaqstan Respýblıkasy Prezıdenti Ákimshiliginiń, Premer-Mınıstr Keńsesiniń bólim meńgerýshisi. 2005-2007 jyldary «Nur Otan» halyqtyq- demokratııalyq partııasy Tóraǵasynyń birinshi orynbasary. 2007-2008 jyldary Qazaqstan Respýblıkasy Parlamenti Májilisi tóraǵasynyń orynbasary qyzmetin atqarǵan. 2008 jyly - Ál-Farabı atyndaǵy Qazaq Ulttyq ýnıversıtetiniń rektory. 2008 jyly mamyrda B.T.Jumaǵulov Islam elderi Injenerlik akademııalary federatsııasynyń birinshi vıtse-prezıdenti bolyp saılandy. 2010-2013 jyldary QR Bilim jáne ǵylym mınıstri boldy.
«Parasat» ordenimen, medaldarmen, Qazaq KSR Joǵarǵy Keńesiniń Qurmet gramotasymen marapattalǵan. 

Baqytjan Jumaǵulovtyń ǵylymǵa da qosqan úlesi zor. Ǵalym suıyqtyq pen gaz mehanıkasynyń modelderi úshin jýyqtama ádisteriniń matematıkalyq problemalaryn zerttedi, munaı óndirý ónerkásibi úshin boljaý men taldaýdyń avtomatty júıelerin jasady. Onyń ǵylymı zertteýleriniń nátıjeleri respýblıkanyń birqatar munaı óndirýshi kásiporyndarynda qoldanylyp, munaıly qabattardyń ónimdiligin arttyrýǵa múmkindik berdi. 350-den astam ǵylymı eńbek, onyń ishinde 7 monografııa jazǵan. B.Jumaǵulovtyń jetekshiligimen 15-ten astam ǵylym kandıdaty men doktorlary dıssertatsııa qorǵaǵan.

Talǵat Musabaev - ǵaryshker, Qazaqstan Respýblıkasynyń Halyq Qaharmany jáne Reseı Federatsııasynyń Batyry, avıatsııa general-leıtenanty, gımnastıkadan jáne ushaq sportynan KSRO sport sheberi, KSRO chempıony, tehnıka ǵylymynyń doktory, «Ekologııa» Qazaqstan halyq akademııasynyń akademıgi.

Ol 1951 jyly 7 qańtarda Almaty oblysy Jambyl aýdanynda dúnıege kelgen. Rıga azamattyq avıatsııa ınjenerleri ınstıtýtyn jáne Aqtóbe joǵary ushqyshtar ýchılışesin támamdaǵan.1987 jyldan AN-2 ushaǵynyń 2-ushqyshy, komandıri, 1989 jyly Almaty birikken avıaotrıadynyń 1-ushý otrıadynda TÝ-134 ushaǵynyń 2-ushqyshy boldy.

1990 jyly ıÝ.A.Gagarın atyndaǵy ǵaryshkerler daıyndaý ortalyǵynda ǵaryshqa ushý daıyndyǵyna kirisken. 1991 jyly oǵan «Ǵaryshker-synaqshy» sanaty berildi. 1994 jyly maýsymnyń 1-inen qarashanyń 4-ine deıin «Soıýz-TM» ǵarysh kemesiniń bort-ınjeneri retinde ǵaryshta bolyp, 2 ret ashyq ǵarysh keńistigine shyqty. 1998 jyly qańtardyń 29-y men tamyzdyń 25-i aralyǵynda «Soıýz-TM-27» jáne «Mır» ǵarysh kemeleriniń komandıri retinde ǵaryshta boldy. Ushý kezinde 5 ret ashyq ǵarysh keńistigine shyqty. 2001 jylǵy sáýirdiń 28-i men maýsymnyń 6-sy aralyǵynda «Soıýz-TM-32» ǵarysh kemesimen Halyqaralyq ǵaryshtyq stansasyna barǵan birinshi ekspedıtsııanyń ekıpaj komandıri mindetin atqardy.

2003-2005 jyldary - ıÝ.A.Gagarın atyndaǵy Ǵaryshkerler daıyndaý ortalyǵynyń top komandıri, 2005-2007 jyldary - «Báıterek» Qazaqstan-Reseı birlesken kásiporny» aktsıonerlik qoǵamynyń bas dırektory, 2007 jyly 11 aqpannan 11 sáýirge deıin Qazaqstannyń áýe-ǵarysh agenttiginiń dırektory qyzmetterin atqarǵan. 2007 jyldyń 11 sáýirinen  Qazaqstan Respýblıkasy Ulttyq ǵarysh agenttiginiń tóraǵasy qyzmetin atqardy. 2014 jyldyń 14 tamyzynan bastap QR Investıtsııalar jáne damý mınıstrliginiń Aeroǵarysh komıtetiniń tóraǵasy atandy. Al búgin Senat depýtaty bolyp taǵaıyndalýyna baılanysty Talǵat Musabaev Memleket basshysy Nursultan Nazarbaevtyń Ókimimen Qazaqstan Respýblıkasy Prezıdentiniń keńesshisi qyzmetinen bosatyldy.