Senattyń Áleýmettik-mádenı damý jáne ǵylym komıtetiniń tóraǵasy saılandy
«Komıtettiń tóraǵasy qyzmetine senator Narıman Tóreǵalıevtiń kandıdatýrasyn usynamyn. N. Tóraǵalıev Jambyl gıdromelıoratıvtik-qurylys ınstıtýtyn bitirgen, mamandyǵy – ekonomıst. Batys Qazaqstan oblysynyń birqatar sharýashylyqtarynda jemisti jumys istedi. Oral qalasynyń ákimi boldy. 2017 jyly altynshy shaqyrylǵan Qazaqstan Respýblıkasy Parlamenti Senatynyń depýtaty bolyp saılandy. Senattyń turaqty komıtetiniń hatshysy. Biz Narıman Tóraǵalıevti isker uıymdastyrýshy, talapty jetekshi, jaýapty maman retinde jaqsy bilemiz. Azamattyq ustanymy joǵary, áleýmettik-mádenı jáne ǵylym salasyna qatysty máselelerge barynsha jetik», - dedi senator. Nurtóre Júsip palatanyń jalpy otyrysynda.
Palata depýtattary daýys berý arqyly Áleýmettik-mádenı damý jáne ǵylym komıtetiniń tóraǵasy qyzmetine Narıman Tóreǵalıevtiń kandıdatýrasyn qoldady.
Sonymen qatar búgin jalpy otyrysta atalǵan komıtettiń burynǵy tóraǵasy Beıbit Isabaevqa Senattyń «Qurmet gramotasy» tabystaldy.
Budan buryn habarlanǵandaı, B. Isabaev Jetisý oblysynyń ákimi bolyp taǵaıyndaldy.