Senattyń Agrarlyq máseleler komıtetiniń jańa tóraǵasy saılandy

ASTANA. QazAqparat - Búgin Parlament Senatynyń jalpy otyrysynda Palatanyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy bolyp Sergeı Plotnıkov saılandy.

Eske sala keteıik, buǵan deıingi tóraǵa qyzmetin atqarǵan S. Kýlagın Memleket basshysynyń Jarlyǵyna sáıkes, Aqmola oblysynyń ákimi bolyp taǵaıyndalǵan bolatyn. Osyǵan oraı, jańa tóraǵanyń kandıdatýrasyn senator M.Baqtııaruly usynyp, depýtattar ashyq daýys berý arqyly oǵan qoldaý bildirdi.