Senattyń otyrysy qaza tapqan kenshilerdi bir mınýt únsizdikpen eske alýdan bastaldy

<p>Búgin Senattyń jalpy otyrysy bir mınýt únsizdikpen bastalyp, depýttar Qaraǵandy oblysynda shahtada bolǵan apat saldarynan qaza tapqan kenshilerdi eske aldy, dep habarlaıdy <a href="Kazinform" target="_blank" rel="noopener">Kazinform</a>.</p>

«Qaraǵandy oblysyndaǵy shahtada oryn alǵan qaıǵyly jaǵdaı bárimizdiń qabyrǵamyzdy qaıystyrdy. Osy jaǵdaıǵa baılanysty Memleket basshysy Qasym-Jomart Toqaevtyń Ókimimen elimizde Jalpyulttyq aza tutý jarııalandy. Budan bylaı qaıǵyly oqıǵaǵa sebepshi bolǵan «ArselorMıttal Temirtaý» kompanııasymen elimiz ınvestıtsııalyq yntymaqtastyqty toqtatady. Prezıdent tapsyrmasyna sáıkes, zardap shekken azamattarǵa jan-jaqty qoldaý jasalady. Rasymen, osyndaı qıyn sátte qoǵam bolyp jumylýdyń jáne ózara demeý bolýdyń mańyzy zor. Sondyqtan mezgilsiz qaıtys bolǵandardyń otbasylaryna, týǵan-týystaryna Senattyń atynan taǵy da kóńil aıtyp, qaza tapqandardy bir mınýt únsizdikpen eske alaıyq», - dedi Senat tóraǵasy Máýlen Áshimbaev.

Budan buryn habarlanǵandaı, Qaraǵandynyń Kostenko shahtasyndaǵy apattan qaza tapqan adamdardyń sany 46-ǵa jetti.