Senatta jalpyǵa birdeı deklaratsııa engizý jaıy sóz boldy
Jıyndy ashyp sóz sóılegen palatanyń vıtse-spıkeri Qaırat Işanov talqylanyp otyrǵan taqyryptyń ózektiligine toqtala kele, onyń birqatar artyqshylyqtaryna toqtalyp ótti. Atap aıtqanda, atalmysh shara jeke tulǵalardyń tabystary men múlikterin baqylaýdyń tıimdi tetigin qalyptastyryp, bıýdjetke túsetin jıyndardy qamtamasyz etedi, sonymen birge kóleńkeli ekonomıkamen kúresti kúsheıte túsedi. «Jalpyǵa ortaq deklaratsııany engizý jeke tulǵalardyń salyq tólemderin ákimshilendirý boıynsha qamtymdylyqty júz paıyzǵa jetkizip, osynyń ózi jeke tulǵalardyń salyq tólemderiniń tolyqtyǵyn qamtamasyz etedi. Sonyń nátıjesinde jeke tabys salyǵy boıynsha bıýdjet túsimderi shamamen kem degende 10 paıyzdyq ósimge qol jetkizedi. Halyqtyń naqty tabystary boıynsha salyqtyq baqylaýdyń quraly retindegi jalpyǵa ortaq deklaratsııalaý kóleńkeli ekonomıkaǵa qarsy áreket retinde de álemniń kóptegen elderinde qoldanylady», - deı kele Senat Tóraǵasynyń orynbasary Q.Işanov bul baǵyttaǵy memlekettik saıasatty quqyqtyq qamtýdyń ózektiligin alǵa tartty.
Jıyn barysynda jalpyǵa birdeı deklaratsııalaýǵa kóshý kezeńderi, osyndaı úderistiń qarapaıym ádisteri jaıynda áńgime órbidi. Memlekettik saıasatty ilki jobalarmen qamtý, quqyqtyq tetikter engizý jaıynda da sóz boldy.