Senatta Shymkenttegi baspana máselesi qaraldy

ASTANA. QazAqparat - Shymkentte arendalyq páterge kezekte turǵandar sany 37 276-ǵa jetti. Bul týraly Parlament Senatynda áleýmettik turǵyn úı satyp alý múmkindikterin keńeıtýge arnalǵan dóńgelek ústel otyrysynda Shymkent qalasy turǵyn úı ınspektsııasy basqarmasynyń basshysy Marat Orazáli málim etti, dep habarlaıdy QazAqparat tilshisi.

«Búginde Shymkent qalasynda turǵyn úı alýǵa suranystyń sany shamamen 220 myń adamdy qurady. Onyń ishinde arendalyq páterge kezekte turǵandar sany 37 276-ǵa jetti. Turǵyn úı qurylys jınaq bankiniń salymshylary 63 myń adamnan asady. Sonymen qatar, jer telimin alýǵa kezekte turǵan adamdar 120 myńǵa jetti», - dedi M. Orazáli.

Onyń sózine qaraǵanda, Shymkent boıynsha statıstıka departamentiniń 2018 jyldyń qorytyndysynda halyqtyń mıgratsııasy 45 myń adamǵa ósip otyr. Bul kórsetkish baspana salýǵa suranystyń ósýine alyp keletini sózsiz.

«Shymkent qalasynda «7-20-25» baǵdarlamasy boıynsha talaptarǵa sáıkes páterdiń eń joǵary quny 25 mln teńgeni qurady. Baǵdarlama aıasynda 2019 jyldyń 1 naýryzyna 3 mlrd 602 mln teńgeni quraıtyn 359 ótinim qabyldanyp, 181 ótinim maquldandy. Astana jáne Almaty qalasymen salystyrǵan kezde, bizdiń kórsetkish áli de tómen ekenin atap ótken jón», - dedi basqarma basshysy.

Marat Orazáli baǵdarlamany iske asyrý barysynda tıisti problemalar bar ekenin atap ótti. Birinshi másele turǵyndardyń tólem qabilettiginiń tómen bolýyna baılanysty. Búginde Shymkentte kópbalaly analar sany 3 585-ti qurady.

Budan buryn habarlanǵandaı, «7-20-25» baǵdarlamasy boıynsha elimizde 2019 jylǵa qajettilik 16 myńǵa jýyq páterdi qurady. https://kaz.inform.kz/news/biylga-7-20-25-bagdarlamasy-boyynsha-kansha-pater-kazhet_a3506414

Aıta keteıik, Jastar jylynyń ashylýyna arnalǵan saltanatty jıynda Elbasy Nursultan Nazarbaev Astana, Almaty jáne Shymkent qalalarynda jastar úshin jylyna 1 myń páter salýdy tapsyrdy. https://kaz.inform.kz/news/elbasy-elimizdin-iri-kalalarynda-zhastar-ushin-zhylyna-1-myn-pater-salynady_a3490797