Senatta reformaǵa baǵyttalǵan 63 zań qaralyp, qabyldandy - Erik Sultanov
Senat depýtattary Olga Perepechına men Erik Sultanov Soltústik Qazaqstan oblysyna sapary barysynda oblystyq jáne qalalyq máslıhat depýtattarymen kezdesti.
Erik Sultanov áriptesterin palatanyń sessııa barysynda atqarǵan jumysy týraly habardar etti.
Ol Senatta Memleket basshysy belgilegen barlyq negizgi baǵyttar boıynsha reformalardy iske asyrýǵa baǵyttalǵan 63 zań qaralǵanyn jáne qabyldaǵanyn habarlady.
Senator Olga Perepechına bıýdjet saıasatynyń neǵurlym mańyzdy máselelerine jáne áleýmettik saladaǵy jobalardy qarjylandyrý isine toqtaldy.
Ol óńirlerge osyndaı saparlar senatorlar úshin halyqpen kezdesýge, zańnamalyq ózgerister týraly aıtýǵa, sondaı-aq qazirgi problemalardy jerlestermen talqylaýǵa jaqsy múmkindik ekenin atap ótti.
«Qazir jumysymyz óńirlerde júrip jatyr. Biz azamattarmen kezdesý ótkizýdemiz. Qaıtyp oralǵan soń, sessııa ashylǵannan keıin sizder kótergen jáne qazirgi kezde elimizdiń árbir óńirinde kezdesetin barlyq máseleler men mindetterdi júzege asyrý boıynsha jumys atqarylady», - dep atap ótti senator.
Senat depýtattary sondaı-aq feldsherlik-akýsherlik pýnktke baryp, Maǵjan Jumabaev atyndaǵy aýdanda sút kesheniniń salyný barysymen tanysty.