Senatta mádenıetaralyq dıalog jónindegi zertteýler júrgizýge járdemdesetin qujat qabyldandy

NUR-SULTAN. QazAqparat – Parlament Senatynyń jalpy otyrysynda «Qazaqstan Úkimeti men Bilim, ǵylym jáne mádenıet máseleleri jónindegi Birikken Ulttar Uıymy (ıÝNESKO) arasyndaǵy ıÝNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Zań jobanyń maqsaty - Almaty qalasynda «Mádenıetterdi jaqyndastyrý ortalyǵy» memlekettik mýzeıi» respýblıkalyq memlekettik qazynalyq kásipornynyń negizinde ıÝNESKO-nyń qamqorlyǵymen mádenıetterdi jaqyndastyrý halyqaralyq ortalyǵynyń (2-sanat) jumys isteýin qamtamasyz etý.

«2015 jyly Elbasy Nursultan Nazarbaev ıÝNESKO-da Qazaqstan bastamashylyǵymen jáne BUU Bas Assambleıasy jarııalaǵan Mádenıetterdi jaqyndastyrýdyń halyqaralyq onjyldyǵyn (2013-2022 jj.) ótkizý aıasynda ıÝNESKO-men birlesip mádenıetterdi jaqyndastyrýdyń halyqaralyq ınstıtýtyn qurý týraly usynyspen sóz sóılegen bolatyn. Atalǵan ıdeıany iske asyrý úshin josparly jumystar júrgizildi. Osylaısha, QR Úkimetiniń 2015 jylǵy jeltoqsandaǵy qaýlysymen «Mádenıetterdi jaqyndastyrý ortalyǵy» memlekettik mýzeıi quryldy», - dedi QR Mádenıet jáne sport mınıstri Aqtoty Raıymqulova.

2017 jylǵy qarashada ıÝNESKO-nyń Bas konferentsııasynyń 39-shy sessııasy otyrysynda ortalyqqa ıÝNESKO-nyń 2-shi sanaty mártebesi berildi. 2019 jylǵy maýsymda QR Úkimeti men ıÝNESKO arasynda ıÝNESKO-nyń 2-sanattaǵy mekemesi – Mádenıetterdi jaqyndastyrýdyń halyqaralyq ortalyǵyn uıymdastyrý týraly kelisimge qol qoıyldy.

«Kelisimdi ratıfıkatsııalaý máselesi osy júrgizilgen jumystardyń qısyndy aıaqtalýy bolyp sanalady. Osy turǵydan, joǵaryda baıandalǵandy eskere otyryp, berilgen shartty ratıfıkatsııalaý eldiń halyqaralyq deńgeıde ornyqty damýyna yqpal etetin bolady. Ortalyq etnostardyń, mádenıetter men dinderdiń shyǵý tegi salasyndaǵy irgeli jáne qoldanbaly zertteýler júrgizýge, mádenıetaralyq qoǵamdardyń jáne olardyń biregeıliginiń qalyptasýyna, beıbitshilik pen turaqty damý múddesinde mádenıetaralyq dıalog qundylyqtaryn taratýǵa baǵyttalǵan halyqaralyq yntymaqtastyqqa arnalǵan biregeı platforma bolady. Mádenıetterdi jaqyndastyrý ortalyǵyna ıÝNESKO-nyń 2-sanaty mártebesin berý elimizdiń ulttyq múddelerine jaýap beredi, Qazaqstan Respýblıkasy úshin saıası jáne áleýmettik paıdaly, ıÝNESKO júıesinde bizdiń bastamalarymyzdy iske asyrýdy tıimdi ilgeriletýge yqpal etedi», - dedi mınıstr.