Senatta elektr energetıkasy salasyndaǵy yntymaqtastyq týraly zań jobalary zerdelendi
Senattyń Ekonomıkalyq saıasat jónindegi komıtetiniń keńeıtilgen otyrysynda depýtattar « 2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkatsııalaý týraly « jáne « 2014 jylǵy 12 qarashadaǵy Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge ózgerister engizý týraly hattamany ratıfıkatsııalaý týraly » zań jobalaryn talqylady.
Qujattar EAEO-ǵa múshe memleketterdiń energetıkalyq qaýipsizdigin arttyrý jóninde ózgerister engizýge, Eýrazııalyq ekonomıkalyq odaqta adal básekelestikti qamtamasyz etýge múmkindik beretin quqyqtyq keńistik qalyptastyrýǵa, sondaı-aq múshe memleketter ekonomıkalarynyń elektr energetıkasy salasyndaǵy tıimdiligi men básekege qabilettiligin arttyrý úshin jaǵdaılar jasaýǵa baǵyttalǵan.
Sonymen qatar Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimniń erejelerin 2014 jylǵy 29 mamyrdaǵy Eýrazııalyq ekonomıkalyq odaq týraly sharttyń normalarymen sáıkes keltirý jónindegi normalar jazylǵan.