Senatta eki turaqty komıtettiń tóraǵalary aýysty

<p>Búgin Senattyń jalpy otyrysynda depýtat Andreı Lýkın palatadaǵy basqa turaqty komıtetke aýysty, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></p>

Aıta keteıik, osy ýaqytqa deıin Andreı Ivanovıch Lýkın Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy boldy.

«Senat depýtaty A. Lýkın Halyqaralyq qatynastar, qorǵanys jáne qaýipsizdik komıtetiniń quramyna aýysýǵa ótinish berdi. Senat reglamentine sáıkes, depýtattar óz tilegi boıynsha basqa komıtetke aýysa alady», – dedi palata tóraǵasy Máýlen Áshimbaev.

Jalpy otyrys barysynda senatorlar atalǵan ótinishti qoldady.

Budan bólek, Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy qyzmetine Nurlan Qudııaruly Beknazarov saılandy.

Osyǵan deıin habarlanǵandaı, búgin palatanyń jalpy otyrysynda Ǵaýez Torsanuly Nurmuhambetovtiń ókilettigi toqtatyldy. 

Sonymen qatar Darhan Qydyráli depýtat retinde ant berdi.