Senatta tsıfrlyq aktıvterdiń zańdy naryǵyn qalyptastyrý máselesi qaralady
Óz sózinde Palata Tóraǵasy senbi kúni elimizdiń óńirlerinde ótken Senat depýtattary saılaýynyń nátıjesine toqtaldy. Soǵan baılanysty Máýlen Áshimbaev Senattyń qaraýǵa jatatyn máselelerdi naqtylap, tıisti daıyndyq jumystaryn júrgizýdi tapsyrdy. Atap aıtqanda, saılanǵan senatorlar Ortalyq saılaý komıssııasynda tirkelgennen keıin Senat Reglamentine sáıkes Palatanyń turaqty Komıtetteriniń tóraǵalary men múshelerin saılaýǵa qatysty másele qaralady.
Sonymen qatar aldaǵy Senat otyrysynda depýtattar Májilis qabyldaǵan birqatar zańdy qaraıdy.
Palata otyrysynda qaralatyn «Qazaqstan Respýblıkasyndaǵy tsıfrlyq aktıvter týraly» jáne «Qazaqstan Respýblıkasynyń keıbir zańnamalyq aktilerine tsıfrlyq aktıvter, aqparattandyrý jáne sottyq ákimshilendirý máseleleri boıynsha ózgerister men tolyqtyrýlar engizý týraly» zańdar elimizde tsıfrlyq aktıvterdi shyǵarý jáne olardyń aınalymy, tsıfrlyq maınıng jónindegi qyzmetti damytý úshin quqyqtyq baza qurýǵa baǵyttalǵan. Zańdar tsıfrlyq aktıvterdiń zańdy naryǵyn qalyptastyrýǵa, osy salaǵa sheteldik ınvestıtsııalardy tartýǵa jáne jalpy Qazaqstan ekonomıkasyn damytýǵa yqpal etedi.
«Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań Kodeks normalaryn «Prokýratýra týraly» Konstıtýtsııalyq zańǵa, «Qazaqstan Respýblıkasyndaǵy tsıfrlyq aktıvter týraly» zańǵa jáne oǵan ilespe zańdarǵa sáıkes keltirýdi kózdeıdi. Sondaı-aq qujattyń negizgi mindetteriniń qatarynda eńbek zańnamasyn baqylaý salasyndaǵy ýákiletti organdardyń quzyretterin qaıta qaraý, Qazaqstan Respýblıkasynyń tsıfrlyq aktıvter salasyndaǵy zańnamany buzǵany úshin jaýapkershilik júkteý jáne basqa da máseleler bar.
Senat otyrysynda qaralatyn kelesi másele «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań. Bul qujat kóleńkeli aınalymnan shyǵarýǵa jáne salyq organdarynyń tsıfrlyq maınerler men tsıfrlyq aktıvter naryǵynyń basqa da qatysýshylarynyń qyzmetine odan ári tolyqqandy monıtorıng pen baqylaý júrgizýge jáne memlekettik bıýdjetke túsetin túsimderdiń ósýin qamtamasyz etýge arnalǵan.
Odan bólek, otyrys kezinde Bıýro músheleri Májilisten kelip túsken zańdardy Senattyń turaqty Komıtetterine bólip berdi.
Foto: senate.parlam.kz