Senatta BUU Ornyqty damý maqsattarynyń tanystyrylymyna ázirlik máseleleri talqylandy
Áńgime barysynda Q. Toqaev BUU Bas hatshysy laýazymyna BUU-da birge jumys istegen kezden jaqsy biletin Antonıý Gýterrıshtiń saılanýymen quttaqtady jáne onyń mol tájirıbesi jańa bas hatshyǵa Uıymdy barlyq adamzattyń ıgiligi úshin tabysty basqarýǵa múmkindik beretinine senim bildirdi. Tóraǵa adamnyń abyroıly ómiri men onyń quqyqtaryn qorǵaýdy qamtamasyz etýge arnalǵan sharalardy qabyldaýdaǵy, Klımat jónindegi Parıj hartııasyn ázirleý men qabyldaýdaǵy, sondaı-aq dinaralyq dıalogty damytýdaǵy Bas hatshy Pan Gı Mýnnyń qomaqty úlesin de atap ótti.
Júzdesý kezinde Qazaqstan Parlamenti joǵarǵy Palatasyndaǵy BUU ornyqty damý maqsattarynyń tusaýkeserine ázirlik máseleleri talqylandy. Q.Toqaevtyń pikirinshe, aldaǵy shara bul aýqymdy eldik baǵdarlamany iske asyrý barysymen depýtattardy tanystyrady, sondaı-aq onyń ulttyq zańnamamen odan ári úılesýine yqpal etedi. Tóraǵa Qazaqstan 2030 jylǵa deıingi halyqaralyq qoǵamdastyqtyń ornyqty damý jónindegi jańa kún tártibinde belgilengen 17 maqsatqa qol jetkizýdegi BUU-nyń ózara belsendi is-qımylyna senim artady, dep atap ótti.