Senatorlyqqa úmitkerlerdiń mamandyqtary qandaı

NUR-SULTAN. QazAqparat - Senatorlyqqa úmitkerlerdiń qatarynda ınjener, ekonomıst, pedagog, dáriger, jýrnalıst mamandyǵynyń ıeleri bar. Bul týraly QR Ortalyq saılaý komıssııasynyń tóraǵasy Berik Imashev aıtty, dep habarlaıdy QazAqparat tilshisi.

Onyń dereginshe, úmitkerleriń arasynda 26 ınjener, 20 ekonomıst, 12 pedagog, 10 zańger, 10 agrarlyq sala qyzmetkeri, 4 dáriger, 3 jýrnalıst, 1 saıasattanýshy jáne 1 basqa mamandyq ıesi bar.

«Kandıdattar arasynda 18 kommertsııalyq qurylym qyzmetkeri, 23 memlekettik uıymdardyń, kásiporyndardyń memlekettik qyzmetkeri, 18 memlekettik qyzmetshi, 9 qoǵamdyq uıymdardyń ókili jáne 2 jumyssyz úmitker bar. Sonymen qatar qazirgi ýaqytta qyzmet atqaryp otyrǵan 4 senator óz kandıdatýralaryn usyndy. Qazirgi ýaqytta Senat depýtattyǵyna kandıdattardy tirkeý protsesi júrip jatyr. Ol osy jyldyń 23 shildesine deıin jalǵasady. Búgingi kúni saılaý komıssııalarymen 62 kandıdat tirkeldi», - dedi Berik Imashev OSK otyrysy barysynda.

Aıta keteıik, 2014 jyly saılanǵan Senat depýtattarynyń ókilettik merzimi osy jyldyń qazan aıynda aıaqtalady. Osylaısha, 2020 jyldyń 12 tamyzynda elimizdiń joǵary zań shyǵarýshy organy joǵarǵy palatasyna 17 óńirden bir-bir depýtattan saılanýy qajet.