Senatorlar Túlkibas aýdanynyń turǵyndarymen kezdesti

TÚLKІBAS. QazAqparat – Qazaqstan Respýblıkasy Parlament Senaty depýtattarynyń Túrkistan oblysy turǵyndarymen kezdesýi jalǵasyp jatyr. Búgin senatorlar Túlkibas aýdanynda boldy, dep habarlaıdy QazAqparat tilshisi.

Túlkibas aýdanyna qarasty Túlkibas kentindegi ák zaýyty keńes odaǵynan beri óz jumys istep keledi.

Búginde táýligine 70 tonna ák óndiretin óndiris oshaǵynda, eki aýysymmen 90 adam jumys isteıdi.

Atalǵan kásiporyn bıyl jalpy quny 500 mln teńgege ák óndirý, sýlandyrý jáne untaqqa aınaldyrý júıesin iske qosý, qaıta qurylymdaý jumysyn júrgizip, qosymsha 100 jumys ornyn ashýdy josparlap otyr.

QR Parlament senatynyń depýtattary Álı Bektaev pen Murat Qadyrbek jáne Álisher Satvaldıev kásiporynnyń búgingi jaǵdaıymen tanysty.

Óndiris oshaǵyn modernızatsııalaý úshin qarajat jetispeıtinin aıtqan ák zaýytynyń basshylyǵy depýtattardan osy jaǵdaıǵa baılanysty qoldaý kórsetip, tıisti sharalardy qabyldaýdy surady.

Álı Bektaev bastaǵan depýtattar bul másele boıynsha jumystar atqarylyp, tıisti mekemeler men mınıstrlikterge usynys-hattar joldanatynyn jetkizdi.

Sonymen qatar, depýtattar Túlkibas ák zaýyty aýmaǵynda Túlkibas kenti halqymen erkin formatta kezdesip, kóptiń kókeıinde júrgen qordalaǵan máseleler boıynsha suraqtarǵa jaýap berdi.

Jıyn sońynda aýyl aqsaqaldary bata berip, el ıgiligi úshin jumys atqaryp júrgen halyq qalaýlylaryna tolaǵaı tabystar tiledi.

Munan soń senatorlar Kúmisbastaý aýylynyń mańynda qurylysy júrip jatqan aýyz sý jáne hosh ıisti alkogolsiz sýsyn óndiretin kásiporynnyń jumysymen tanysty.

Jobanyń jalpy quny - 7 600 mln teńge.

Atalǵan óndiris oshaǵy jylyna 65000-85000 tonna ónim óndirip, alǵashqy kezeńde 96 adamdy jumyspen qamtýdy josparlap otyr.

2022 jyldyń shilde aıynan bastalǵan qurylys jumystary 2024 jyldyń naýryz aıyna deıin aıaqtalady.