Senatorlar sýmen jabdyqtaý jáne sý burý zańnamasyna tolyqtyrýlardy bekitti

ASTANA. QazAqparat - Búgin Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine sýmen jabdyqtaý jáne sý burý, turǵyn úı kommýnaldyq sharýashylyqty kredıtteý jáne sýbsıdııalaý máseleleri boıynsha ózgerister men tolyqtyrýlar engizý týraly» QR Zańynyń jobasy qabyldandy.

«Zań jobasynyń erejeleri eldi mekenderdegi sýmen jabdyqtaý men sý burýdyń damýyn quqyqtyq retteýdi jetildirýge baǵyttalǵan», - dep atap ótti qujat boıynsha baıandama jasaǵan senator Rashıt Ákimov. Atap aıtqanda, bul rette zań jobasymen memlekettik basqarý organdarynyń sýmen jabdyqtaý salasyndaǵy ókilettikterin naqtylaıtyn normalar engizildi, sý tutynýshylardyń jáne sýmen jabdyqtaý jáne sý burý jónindegi uıymdardyń quqyqtary men mindetteri reglamentteldi. Rashıt Ákimovtyń sózine qaraǵanda, sýmen jabdyqtaý, sý burý jáne jylýmen jabdyqtaý júıelerin jańǵyrtý men salýdy uzaq merzimdi jáne jeńildikti bıýdjettik kredıtteý, sondaı-aq turǵyn úı-kommýnaldyq sharýashylyqtyń damýyn ekonomıkalyq yntalandyrý retinde sýbsıdııalaýdy júzege asyrý túrindegi memlekettik qoldaý máseleleri retteldi.