Senatorlar: Іske asyp jatqan ınnovatsııalyq jobalar kásiporyndar men ekonomıkanyń naqty sektorynan syrt qalǵan

<p>ASTANA. KAZINFORM - Senattyń Ekonomıkalyq saıasat, ınnovatsııalyq damý jáne kásipkerlik komıtetiniń depýtattary Memleket basshysynyń &laquo;Ádiletti Qazaqstannyń ekonomıkalyq baǵdary&raquo; atty Qazaqstan halqyna Joldaýyn iske asyrý sheńberinde Qazaqstan Respýblıkasynyń ınnovatsııalyq áleýetin damytý&raquo; taqyrybyna arnalǵan dóńgelek ústel ótkizdi.</p>

Komıtet tóraǵasy Súıindik Aldashev dóńgelek ústel otyrysyn asha kelip, elimizdiń ekonomıkalyq damýy men básekege qabilettilikti arttyrýda jáne azamattardyń ómir súrý sapasyn jaqsartýda ınnovatsııanyń mańyzdy ról atqaratynyn atap ótti.

«Qazaqstannyń ınnovatsııalyq ekonomıkasyn damytý boıynsha qabyldanyp jatqan sharalarǵa qaramastan, bul protsesti tejeıtin birqatar problemalyq máseleler bar. Bizdiń komıtet dóńgelek ústelge daıyndyq aıasynda 10 jumys otyrysyn ótkizdi. Birqatar problemalyq máseleler anyqtaldy. Búgingi kezdesý barysynda problemalyq máseleler ǵana emes, olardy sheshýdiń naqty joldary, onyń ishinde qoldanystaǵy zańnamaǵa tıisti ózgerister engizý de egjeı-tegjeıli talqylanady», - dedi Aldashev.

Senator Shákárim Buqtyǵutov óz kezeginde ártaraptandyrylǵan ekonomıka qurý máselesine toqtaldy. Ol 2021 jyly «Ónerkásiptik saıasat týraly» zań aıasynda tehnologııalyq saıasatty qalyptastyrýǵa baǵyttalǵan birqatar zańnamalyq normalar qabyldanǵanyn atap ótti. Alaıda senatordyń pikirinshe, olardy iske asyrý ınnovatsııany damytýda aıtarlyqtaı nátıje bergen joq.

«Áli kúnge deıin ınnovatsııa uǵymy men onyń quramdas bólikteri týraly túsinik az. Innovatsııany qalaı damytý kerektigi týraly ónerkásipte de, ýnıversıtette de, memlekettik sektorda da naqty túsinik joq. Іske asyp jatqan ınnovatsııalyq jobalardyń óndiristik kásiporyndar men ekonomıkanyń naqty sektorynyń qajettiliginen alshaqtyǵy ınnovatsııalyq júıeni qalyptastyrý jolyndaǵy eleýli kedergi bolyp otyr», - dedi senator.

Dóńgelek ústel barysynda tsıfrlyq damý, ınnovatsııalar jáne aeroǵarysh ónerkásibi, ǵylym jáne joǵary bilim, energetıka mınıstrlikteriniń, «Samǵaý» ǵylymı-tehnologııalyq bastamalar ortalyǵy» qorynyń jáne «Innovatsııalyq tehnologııalar parki» qorynyń ókilderi de baıandama jasady.