Senatorlar shymkenttik máslıhat depýtattarymen kezdesti

ShYMKENT. QazAqparat – QR Parlamenti Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń depýtattary Shymkent qalasy máslıhatynyń depýtattarymen kezdesti.

Basqosýda qylmystyq is júrgizý zańnamasyn odan ári jetildirý máseleleri zerdelendi, dep habarlaıdy QazAqparat tilshisi.

Jıynda Komıtet tóraǵasy Vladımır Volkov zańnamany jaqsartý máseleleri el azamattarynyń konstıtýtsııalyq quqyqtaryna tikeleı qatysty ekendigin aıtty.

«Qylmystyq is júrgizý zańnamasyn jetildirý aıasynda jeke adamnyń quqyqtaryn qorǵaýdy kúsheıtý týraly, esirtkige baılanysty, jeke adam men menshikke qarsy qylmystar jáne basqa da aýyr qylmystar úshin jaýapkershilikti qatańdatýǵa baǵyttalǵan zańdar qabyldandy. Sondaı-aq, qylmystyq protsestegi úsh býyndy úlginiń tartymdy tustary bar, degen ol sot júıesin jetildirý masatynda júrgizilip jatqan jumystardyń qorytyndysy boıynsha tıisti zań jobalary ázirlenetin bolady»,- dedi Komıtet tóraǵasy.

Senat depýtattary sondaı-aq, qylmystyq is júrgizý zańnamasyn jetildirý máselesi boıynsha birqatar mańyzdy otyrystar ótkizdi. Іssapar barysynda qalalyq sot pen ákimdikte jaýapty mamandarmen kezdesip, Shymkent qalasy Polıtsııa departamentine arnaıy at basyn burdy.

Megapolıstegi 33 ýchaskelik polıtsııa pýnktinde qoǵamdyq keńes múshelerimen júzdesip, Ál-Farabı aýdanyndaǵy «Servıstik polıtsııa» pılottyq jobasy aıasynda atqarylǵan jumystar men kórsetilgen nátıjelerdi talqylady. Qalalyq Polıtsııa departamentiniń bastyǵy polıtsııa general-maıory Qaırat Dálbekov shahar qaýipsizdigin qamtasyz etýge zor úles qosyp otyrǵan 3000-nan astam beınekamerany baqylaıtyn Jedel basqarý ortalyǵynyń jumysymen tanysty.

Kelesi kezekte, tarıhı qazynaǵa baı mýzeı ishin aralap, polıtsııanyń ótkeni men búgininen habardar boldy. Óz kezeginde, QR Senatynyń Konstıtýtsııalyq zańnama, sot júıesi jáne quqyq qorǵaý organdary jónindegi komıtet tóraǵasy Volkov Vladımır polıtsııa jumysyna tabys tilep, qaltqysyz qyzmeti úshin alǵysyn bildirdi. Prezıdent joldaýyna sáıkes, tártip saqshylary ashyq, qoljetimdi, senimdi bolý qajet ekenin atap ótti.