Senatorlar Salyq kodeksine engiziletin túzetýlerdi qaraıdy

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen ótken Palata Bıýrosynyń otyrysynda depýtattar aldaǵy jalpy otyrystyń kún tártibin talqylady, dep habarlaıdy QazAqparat.

«Senattyń kezekti otyrysy 12 qarashada ótkiziledi. Onda Májilis maquldaǵan «1994 jylǵy 9 qyrkúıektegi Eýrazııalyq patent konventsııasyna Ónerkásiptik úlgilerdi qorǵaý týraly hattamany ratıfıkatsııalaý týraly» zań jobasy qaralady. Sondaı-aq, senatorlar «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zań jobasyn da qaraıdy», - delingen Senat baspasóz qyzmetiniń málimetinde.

Sonymen qatar Bıýroda Májilisten kelip túsken «Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi ratıfıkatsııalaý týraly» zań jobasy Senattyń Áleýmettik-mádenı damý jáne ǵylym komıtetine berildi.

Odan bólek, otyrys barysynda senatorlar ótken aptada uıymdastyrylǵan Qazaqstannyń sý qaýipsizdigin qamtamasyz etýge arnalǵan Úkimet saǵatynyń qorytyndysyna toqtaldy. Senat tóraǵasy Máýlen Áshimbaev is-shara kezinde ózekti máseleler talqylanyp, naqty usynystar aıtylǵanyn atap ótti jáne aldaǵy ýaqytta olardy oń sheshý úshin Úkimetpen birlesip jumys isteý qajettigine nazar aýdardy.