Senatorlar palata otyrysynyń kún tártibin bekitti

<p>ASTANA. KAZINFORM - Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 7 naýryz kúni ótetin Senat otyrysynyń kún tártibin bekitti.</p>

Aldaǵy beısenbide senatorlar «Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly» zańdy qaraıdy. Bul qujat halyqaralyq iskerlik operatsııalarda memlekettik kiristiń joǵalýyn boldyrmaýdy kózdeıdi.

Sondaı-aq zań normalary kapıtaldy shyǵarýdy baqylaý tetikterin kúsheıtý úshin taraptardyń ózara baılanystylyǵyn anyqtaý joldaryn keńeıtedi.

Odan bólek, Bıýro otyrysynda Májilisten kelip túsken zańdar Senattyń turaqty komıtetterine bólinip berildi.