Senatorlar palata otyrysynda ǵylym jáne tehnologııalyq saıasat týraly zańdardy qaraıdy

<p>ASTANA. KAZINFORM &ndash; Senat tóraǵasy Máýlen Áshimbaev palata bıýrosynyń otyrysyn ótkizdi. Onda depýtattar 30 mamyr kúni ótetin Senat otyrysynyń kún tártibin bekitti. Sondaı-aq osy aptada bolatyn is-sharalardy pysyqtady.</p>

Senatorlar palatanyń aldaǵy otyrysynda alty zańdy qaraıdy. Olardyń qatarynda «Organıkalyq ónim óndirisi jáne aınalymy týraly» zań jáne oǵan ilespe «Qazaqstan Respýblıkasynyń keıbir zańnamalyq aktilerine organıkalyq ónim óndirisi jáne aınalymy máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zańdar bar.

Atalǵan zańdardyń normalary otandyq azyq-túlik óndirýshilerdi organıkalyq ónim óndirýge yntalandyrýdy jáne olardyń syrtqy naryqta básekege qabilettiligin arttyrýdy kózdeıdi.

Sonymen qatar depýtattar ǵylym salasynyń strategııalyq, kásiptik jáne áleýmettik máselelerin sheshýge, ǵylymı kadrlar daıarlaýǵa laıyqty jaǵdaı jasaýǵa, sondaı-aq, ǵylymı qyzmetkerdi áleýmettik qorǵaý kepildikterin iske asyrýǵa arnalǵan «Ǵylym jáne tehnologııalyq saıasat týraly» zańdy jáne oǵan ilespe «Qazaqstan Respýblıkasynyń keıbir zańnamalyq aktilerine ǵylym jáne tehnologııalyq saıasat, platformalyq jumyspen qamtý jáne memlekettik baqylaý máseleleri boıynsha ózgerister men tolyqtyrýlar engizý týraly» jáne «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zańdardy qaraıdy.

Odan bólek, bıýro otyrysynda Májilisten kelip túsken zańdar jumys úshin turaqty Komıtetterge bólinip berildi.