Senatorlar óńirlerdi aralap aldaǵy referendýmdy talqylady
Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed QR Tuńǵysh Prezıdenti atyndaǵy Ulttyq qorǵanys ýnıversıtetiniń jeke quramymen kezdesti. Senator áskerı mekemeniń tyńdaýshylary men professorlyq-oqytýshylyq quramyna Konstıtýtsııaǵa ózgerister engizý jónindegi aldaǵy referendým týraly aıtyp, túzetýler Negizgi Zań baptarynyń úshten birine áser etetinin aıtty.
Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov Almaty qalasy men Almaty oblysynda birqatar kezdesýler ótkizdi. Senator Dinmuhamed Qonaev atyndaǵy Eýrazııalyq zań akademııasynyń professorlyq-oqytýshylyq quramymen, stýdentterimen kezdesti. Depýtat sondaı-aq Qarasaı aýdanynda bolyp, polıtsııa, prokýratýra qyzmetkerlerimen jáne jastarmen júzdesip, zań biliminiń sapasyn arttyrý taqyrybynda áńgimelesti.
Senat depýtaty Qanatbek Safınov Almatydaǵy kásibı zań konsýltanttary palatasynyń ókilderimen kezdesti. Júzdesýde Konstıtýtsııaǵa usynylyp otyrǵan tolyqtyrýlar talqylandy jáne olardy respýblıkalyq referendým arqyly engizýdiń mańyzdylyǵy atap ótildi.
Senat depýtaty Sergeı Ershov «Qazaqmys korporatsııasy» JShS-nyń Almaty qalasynda ornalasqan fılıaldarynyń birinde boldy. Senator osyndaǵy fılıaldyń ákimshilik-basqarý qyzmetkerlerimen kezdesti.
Senat depýtattary Nurtóre Júsip pen Dınar Nóketaeva Qonaev qalasynyń turǵyndarymen kezdesip, oblys ortalyǵyn qaıta ataýǵa arnalǵan saltanatty is-sharaǵa qatysty.Senatorlar sondaı-aq aldaǵy referendýmdy jáne konstıtýtsııalyq reformanyń negizgi baǵyttaryn talqylady.
Senat depýtattary Baqytjan Jumaǵulov pen Narıman Tóreǵalıev Qyzylorda oblysyndaǵy Qorqyt Ata atyndaǵy ýnıversıtette boldy. Senatorlar joǵary oqý ornynyń basshylyǵymen otandyq bilim berý salasyndaǵy ózekti máselelerdi talqylady.
Senat depýtaty Saǵyndyq Luqpanov jumys saparymen Atyraý oblysynda boldy. Joǵary jáne orta oqý oryndarynda bolǵan senator olardyń jumysymen tanysyp, jańa oqý aýdıtorııalaryn aralap kórdi, sondaı-aq oqý oryndarynyń oqytýshylar quramymen jáne stýdentterimen birqatar kezdesýler ótkizdi.
Senat depýtaty Baýyrjan Qanıev Aqtóbe oblysyndaǵy Áıteke bı jáne Hromtaý aýdandarynyń turǵyndarymen kezdesti. Aýrýhanalar, kolledjder, kitaphanalar men mýzykalyq mektepterdiń jáne basqa da áleýmettik nysandardyń ujymdarymen júzdesýdegi talqylaýdyń negizgi taqyryby – el Konstıtýtsııasyna aldaǵy ózgerister, sondaı-aq búkilhalyqtyq referendým ótkizý máseleleri boldy.
Senat depýtaty Erik Sultanov Soltústik Qazaqstan oblysynyń Taıynsha jáne Aqqaıyń aýdandaryndaǵy aýyl turǵyndarymen kezdesti. Depýtat Kellerovka aýylynyń dárigerlerimen jáne ustazdarymen kezdesýde elimizdiń Konstıtýtsııasyna engiziletin ózgertýler men tolyqtyrýlar týraly jan-jaqty aıtyp berdi. Ol sondaı-aq aldaǵy konstıtýtsııalyq reforma Prezıdenttiń naýryz aıyndaǵy Qazaqstan halqyna Joldaýynda belgilengen saıası reformalar baǵdarlamasyn júzege asyrýdaǵy basty qadam ekenin atap ótti.
Senat depýtaty Nurlan Beknazarov Shymkent qalasyna sapary barysynda megapolıstegi Qarataý aýdanynyń turǵyndarymen jáne ákimimen kezdesti. Senator kezdesýde Qarataý aýdanyna jańadan qosylǵan eldi mekenderde turatyn azamattardyń ótinishterin qarady. Depýtat Qaınarbulaq eldi mekenindegi elektr jelilerin júrgizý, gazben jabdyqtaý, turǵyn úılerdi jaryqtandyrý jumystarynyń barysymen tanysty.
Senat depýtaty Dúısenǵazy Mýsın Shyǵys Qazaqstan oblysynyń aýdandarynda boldy. Senator birqatar áleýmettik nysandardy aralap, halyqpen kezdesýler ótkizdi. Depýtat sonymen qatar Borodýlıha aýdanynyń ortalyǵynda salynyp jatqan sporttyq-saýyqtyrý keshenine, emhananyń kúrdeli jóndelgen bólimshelerinde bolyp, atqarylyp jatqan jumystarmen tanysty jáne ortalyq emhana ujymymen kezdesti.
Senat depýtaty Olga Býlavkına óńirge jumys sapary aıasynda Amanjolov atyndaǵy ýnıversıtettiń oqytýshylarymen jáne stýdentterimen kezdesti. Qazaqstan Respýblıkasynyń Konstıtýtsııasyna ózgerister engizý jónindegi referendým ótkizý talqylaýdyń negizgi taqyryby boldy.
Senat depýtaty Sultan Dúısembınov Almaty oblysy Eskeldi aýdanynyń turǵyndarymen, aýdandyq máslıhat depýtattarymen jáne mekeme basshylarymen kezdesti. Senator júzdesý barysynda jerlesterine konstıtýtsııalyq reformanyń negizgi baǵyttary týraly jan-jaqty túsindirip, mańyzdy degen suraqtarǵa jaýap berdi.
Senat depýtaty Janbolat Jórgenbaev Qarasaı aýdandyq aýrýhanasynyń qyzmetkerlerimen kezdesti. Ol júzdesý barysynda Konstıtýtsııaǵa engiziletin ári elimizdiń qazirgi kezdegi saıası júıesin ózgertýdi kózdeıtin ózgerister men tolyqtyrýlar týraly aıtty.
Senat depýtaty Ábdáli Nuralıev Qordaı aýdanynyń birqatar aýyldaryn aralady jáne qurylys alańdarynda bolyp, óńir turǵyndarymen kezdesti. Depýtat kezdesý barysynda jerlesterimen aldaǵy konstıtýtsııalyq reforma jáne 2022 jylǵy 5 maýsymda ótetin respýblıkalyq referendýmǵa shyǵarylatyn máselelerdi egjeı-tegjeıli talqylady.
Senat depýtaty Andreı Lýkın Nur-Sultan qalalyq Jumyspen qamtý jáne áleýmettik qorǵaý basqarmasynyń basshylyǵymen jáne qyzmetkerlerimen kezdesti. Depýtat kezdesý barysynda basqarmanyń qyzmeti men materıaldyq jabdyqtalýy barysyn zerdeledi. Mekeme basshylyǵy depýtatty júrgizilip jatqan jumys týraly, onyń ishinde Nur-Sultan qalasynyń halqyn jumyspen qamtý salasyndaǵy memlekettik saıasatty iske asyrý barysy týraly habardar etti. Senator sondaı-aq qalalyq «iKOMEK109» monıtorıng jáne jedel áreket etý ortalyǵynda da boldy.