Senatorlar QR OSK-nyń eki múshesin taǵaıyndady
13:30, 06 Naýryz 2015
ASTANA. QazAqparat - QR Parlamenti Senatynyń depýtattary Baqyt Meldeshov pen Lázzat Súleımenniń QR Ortalyq saılaý komıssııasynyń músheleri bolyp taǵaıyndalýyn qoldap daýys berdi, dep habarlaıdy QazAqparat tilshisi.
Qos úmitkerdi de QR Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary jónindegi komıtetiniń múshesi Tóleýbek Muqashev palatanyń jalpy otyrsynda tanystyrdy.
Senat depýtattary úmitkerlerdi birden qoldap, daýys berdi.
«Daýys berýge qatysýshylar - 44 senator, qoldaǵandar - 44. Sheshim qabyldandy. QR Senatynyń atynan Ortalyq saılaý komıssııasynyń músheligine qabyldanǵan azamattardy quttyqtap, tabys tileımin», - dedi daýys berýdi qorytyndylaǵan Senat tóraǵasy Qasym-Jomart Toqaev.