Senatorlar Qazaqstandaǵy tehnıkalyq bilim berýdi damytý keleshegin zerttedi

NUR-SULTAN. QazAqparat - Elimizdegi tehnıkalyq bilim berý sapasyn arttyrý: energetıka, robototehnıka jáne aspap jasaýdy ınnovatsııalyq damytý – Prezıdent tapsyrmalarynyń biri bolyp otyr. Senatorlar sala sarapshylarymen kezdesý barysynda ol tapsyrmalardyń qalaı júzege asatyny, sondaı-aq joǵary bilimdi mamandardy tárbıeleý úshin odan ári qandaı qadamdar jasaý qajettigin talqylady, dep habarlaıdy QazAqparat.

Qazaqstan Respýblıkasy Parlamenti Senatynyń depýtattary Baqytjan Jumaǵulov, Dınar Nóketaeva, Sultanbek Mákejanov, Nurtóre Júsip jáne Dana Nurjigitova Almatyǵa sapary aıasynda Ǵumarbek Dáýkeev atyndaǵy Almaty energetıka jáne baılanys ýnıversıtetiniń stýdentterimen jáne oqytýshylarymen kezdesti.

Kezdesýge qatysýshylar Memleket basshysynyń taıaýdaǵy Joldaýynda jarııa etilgen reformalardy jan-jaqty talqylady.

Senatorlar sondaı-aq ýnıversıtettiń ǵylymı jobalarymen, materıaldyq-tehnıkalyq bazasymen tanysty.