Senatorlar Halyqaralyq kórmeler konventsııasyna qatysty zań jobasyn talqylady
Qujatta resmı túrde tanylǵan halyqaralyq kórmelerge anyqtamalar berilgen. Sonymen qatar, kórmeler jikteledi, onyń jiktelýine qaraı kórmelerdiń uzaqtyǵy, olardy ótkizý jıiligi, sonymen qatar, halyqaralyq kórmelerdi uıymdastyrý tártibi retteledi. Atalmysh konventsııaǵa ártúrli jyldary ózgerister men túzetýler engizilip otyrǵan. Al oǵan qatysýshy taraptar 1972 jyldyń qarashasyndaǵy Hattamamen Konventsııanyń qazirgi zamanǵy jaǵdaılarǵa beıimdelgen jańa mátinin qabyldaǵan bolatyn. Konventsııanyń jańa mátinine sáıkes, halyqaralyq kórmeler ámbebap jáne mamandandyrylǵan dep bólinedi. Kórmelerdiń uzaqtyǵy alty aıdan aspaýy tıis. Soǵan oraı, Konventsııada kórmeni uıymdastyrýshyny aıqyndaý tártibi, tirkelgen kórmelerdi uıymdastyrýshylardyń jáne oǵan qatysýshy elderdiń mindettemeleri belgilenedi. Konventsııa 1928 jyly Parıj qalasynda jasalǵan bolatyn.
Zań jobasyn qabyldaýdyń ózektiligi Astanada «EKSPO-2017» halyqaralyq mamandandyrylǵan kórmesin ótkizýge baılanysty bolyp tabylady. Qujat aldaǵy ýaqytta ótetin palatanyń jalpy otyrysyna shyǵarylatyn bolady.