Senatorlar halyqaralyq júk tasymaly jáne memlekettik satyp alý týraly zańdardy qaraıdy
Soǵan sáıkes aldaǵy beısenbide Palata depýtattary «Túrki memleketteri uıymyna múshe memleketterdiń úkimetteri arasyndaǵy halyqaralyq quramdastyrylǵan júk tasymaldary týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy halyqaralyq avtomobıl tasymaldary týraly kelisimdi ratıfıkatsııalaý týraly» zańdardy qaraıdy. Bul zańdar kóliktiń ártúrli túrlerin paıdalana otyryp, halyqaralyq júk tasymaldaý rásimderin jeńildetýdi jáne memleketter arasyndaǵy saýda-ekonomıkalyq qatynastardy damytýdy kózdeıdi.
Sonymen qatar senatorlar «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Transkaspıı halyqaralyq kólik baǵytyn damytý jónindegi kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Transkaspıı halyqaralyq kólik baǵytyn, onyń ishinde Qytaı – Eýropa qatynasyndaǵy konteınerlik poıyzdar úshin damytý jónindegi kelisimdi ratıfıkatsııalaý týraly» zańdardy qaraıdy. Atalǵan qujattardyń normalary Qazaqstan Respýblıkasy men Qytaı Halyq Respýblıkasy arasyndaǵy tranzıttik-kóliktik áleýetti jáne saýda-ekonomıkalyq qatynastardy odan ári nyǵaıtýǵa, sondaı-aq Transkaspıı halyqaralyq kólik baǵyty boıynsha mýltımodaldy tasymaldardy damytý úshin avtomobıl, teńiz jáne temirjol kóligi túrleriniń artyqshylyqtaryn tıimdi paıdalaný úshin qolaıly jaǵdaı jasaýǵa arnalǵan.
Odan bólek, Palata otyrysynda «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy mádenı ortalyqtardy ózara qurý týraly kelisimdi ratıfıkatsııalaý týraly» zań qaralady. Zań eki memleket arasyndaǵy mádenı-gýmanıtarlyq yntymaqtastyqty nyǵaıtýdy kózdeıdi.
Sondaı-aq «Memlekettik satyp alý týraly» zań men oǵan ilespe «Qazaqstan Respýblıkasynyń keıbir zańnamalyq aktilerine satyp alý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zańdar da Senat otyrysynyń kún tártibine shyǵaryldy.
Beısenbidegi otyrysta «Ǵylym jáne tehnologııalyq saıasat týraly», «QR keıbir zańnamalyq aktilerine ǵylym jáne tehnologııalyq saıasat, platformalyq jumyspen qamtý jáne memlekettik baqylaý máseleleri boıynsha ózgerister men tolyqtyrýlar engizý týraly» jáne «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zańdar ekinshi oqylymda qaralady.
Sonymen birge depýtattar Qazaqstan Respýblıkasynyń ornyqty damý salasyndaǵy ulttyq maqsattary men mindetteriniń iske asyrylýyna monıtorıng júrgizý jónindegi Parlamenttik komıssııanyń quramyna senatorlardy saılaý týraly máseleni qaraıdy.
Sondaı-aq Bıýro otyrysynda Májilisten kelip túsken zańdar jumys úshin turaqty Komıtetterge bólinip berildi.