Senatorlar Tsıfrlyq úkimet keńsesinde boldy

NUR-SULTAN. QazAqparat - QR Parlamenti Senatynyń depýtattary Tsıfrlyq damý, ınnovatsııalar jáne aeroǵarysh ónerkásibi mınıstrliginiń bazasynda jumys isteıtin Tsıfrlyq úkimet keńsesinde boldy. Bul týraly QazAqparat joǵary palatanyń baspasóz qyzmetine silteme jasap habarlaıdy.

Senatorlarǵa memlekettik organdardaǵy protsesterge reınjınırıng jasaıtyn jáne olardy tsıfrlyq sıpatqa aýystyrýmen aınalysatyn quramynda Tsıfrlyq transformatsııa ortalyǵy bar keńse kórsetildi.

Salalyq mekeme mınıstri Baǵdat Mýsın keńseniń maqsaty Qazaqstan Respýblıkasynyń strategııalyq mindetteri men basymdyqtaryn iske asyrý kezinde memlekettik organdar men uıymdardyń jedel jáne kelisilgen is-áreketin qamtamasyz etý, sondaı-aq jedel den qoıýdy talap etetin jaǵdaılardy anyqtaý, aldyn alý jáne sheshý ekenin parlamentshilerge aıtyp berdi.

TsÚK quramynda sonymen qatar Ulttyq taldaý ortalyǵy jáne Ulttyq jobalaý keńsesi de jumys isteıdi. Olar matematıkalyq modeldeýdi, boljaýdy jáne taldaýdy qoldana otyryp, derekter bazasynyń baılanystylyǵyn anyqtaýǵa múmkindik beredi.