Senatorlar aýyl sharýashylyǵy taýarlarynyń elektrondyq saýdasyn damytatyn zańdy qaraıdy

<p>ASTANA. KAZINFORM - Senat cpıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 28 qarashada ótetin Senat otyrysynyń kún tártibin belgiledi jáne Palatanyń is-sharalar josparyn iske asyrý aıasyndaǵy mindetterdi pysyqtady, dep habarlaıdy QR Parlamenti Senatynyń baspasóz qyzmeti.</p>

Otyrys barysynda senatorlar atalǵan josparǵa sáıkes osy aptada ótetin is-sharalarǵa toqtaldy. Atap aıtqanda, áskerı bilim jáne ǵylym, onyń ishinde túlekterdi jumysqa ornalastyrý, azamattyq avıatsııany damytý, «áleýmettik ámııan» mehanızmin engizý jáne Memleket basshysynyń tapsyrmalaryn iske asyrý aıasynda áleýmettik az qamtylǵan sanattaǵy azamattardy qoldaý júıesin jetildirý máselelerine arnalǵan is-sharalar ótkiziledi.

Bekitilgen kún tártibine sáıkes aldaǵy beısenbide Senat depýtattary «Eýrazııalyq ekonomıkalyq odaq sheńberinde aýyl sharýashylyǵy ónimine arnalǵan qoımalyq kýálikterdi shyǵarý (berý), olardyń aınalysy jáne ótelý qaǵıdalary týraly kelisimdi ratıfıkatsııalaý týraly» zańdy qaraıdy.

«Kelisim Eýrazııalyq ekonomıkalyq odaq sheńberinde aýyl sharýashylyǵy jáne aýyl sharýashylyǵy ónimderiniń ózara saýdasy salasyndaǵy yntymaqtastyqty damytýǵa arnalǵan. Sondaı-aq agrarlyq salanyń tabysyn arttyrýǵa jáne aýyl sharýashylyǵy taýarlarynyń elektrondyq saýdasyn damytýǵa múmkindik beredi», - delingen habarlamada.

Osyǵan deıin habarlaǵanymyzdaı, Senat respýblıkalyq bıýdjet týraly zańdy Májiliske qaıtardy.