Senatorlar áskerı qyzmetshilerdi áleýmettik qorǵaý deńgeıin arttyrý týraly zań jobasyn qaraıdy

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 3 naýryzda ótetin Senat otyrysynyń kún tártibin bekitti, dep habarlaıdy QazAqparat joǵary palatanyń baspasóz qyzmetine silteme jasap.

Aldaǵy Palata otyrysynda senatorlar «Qazaqstan Respýblıkasynyń keıbir zańnamalyq aktilerine áskerı qyzmet jáne arnaýly memlekettik organdar qyzmetkerleri men áskerı qyzmetshilerdiń turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasyn qaraıdy.

Zań jobasy arnaýly memlekettik organdardyń qyzmetkerleri men áskerı qyzmetshilerdiń áleýmettik-quqyqtyq mártebesin arttyrýdy jáne olarǵa, olardyń otbasy múshelerine turǵyn úı alý quqyqtaryn iske asyrýdyń teń múmkindikterin belgileýdi kózdeıdi. Sondaı-aq bul qujat áskerı qyzmet ótkerý máseleleri boıynsha zańnamadaǵy qaıshylyqtar men olqylyqtardy joıýǵa múmkindik beredi.